Napa-react ang dating manunulat ng ABS-CBN at nominee ng Kapamilya party-list na si award-winning writer Jerry Gracio sa ginawang parody campaign video ni Kapuso Comedy Queen Ai Ai Delas Alas para kay Quezon City mayoral candidate Mike Defensor, kung saan ginampanan niya ang role na 'Hon. Mayora Ligaya Delmonte'.
Ayon sa tweet ni Gracio noong Abril 30, hindi man lamang daw ikinonsidera ni Ai Ai na si Mike Defensor ang isa sa mga 'berdugo' ng prangkisa ng ABS-CBN, na naibasura sa Kamara noong 2020. Bago lumipat sa GMA Network at nagtrabaho nang matagal si Ai Ai sa naturang network. Karamihan din sa mga box office movie ni Ai Ai ay gawa ng Star Cinema, ang movie outlet nito.
"Di man lang naisip ni Ai-Ai na si Defensor ang isa sa mga berdugo ng mga manggagawa ng ABS-CBN na naging dahilan kung bakit nawalan ng trabaho ang mga kasama niya sa industriya, sa estasyon na pinanggalingan niya. Nakakasuka siya," ani Gracio.
Chloe, matapang na niresbakan nagsabing niretoke ilong niya
Sa usap-usapang video na naka-post sa opisyal na Facebook page ng VinCentiments noong Biyernes, Abril 19, makikita si Ai Ai na nakaupo sa isang silya; sa likod nito ay may simbolo na nakalagay na BBM-Sara, at tila nagsasagawa siya ng Facebook Live para sa kaniyang constituents.
Basahin: https://balita.net.ph/2022/05/02/mayora-for-mike-defensor-ai-ai-delas-alas-gumanap-bilang-hon-ligaya-delmonte/">https://balita.net.ph/2022/05/02/mayora-for-mike-defensor-ai-ai-delas-alas-gumanap-bilang-hon-ligaya-delmonte/
"Magandang BUWAN sa inyong lahat! Sa lahat ng mga REKLAMADOR sa KYUSI… BABALA! Asawa ni Babalu. May mahalaga po akong announcement kaya pakinggan n'yo! Kung ayaw n'yo, LUMAYAS KAYO SA KYUSI! WALA AKONG PAKE."
"Tulad ni TAGURO, nais ko sanang ibigay ang 100% ng aking lakas upang talunin si MIKE! MIKE DEFENSOR! Ngunit may kakaibang lakas at kapangyarihan ang bumabalot sa kaniya! Malamang ay galing ito kay BBM! BONG-BONG MIKE!"
"Kahit ilang beses ko nang sinubukang pigilan ang mga rally nila, ay nakagawa pa rin sila ng paraan! At tunay naman SILA ang isinisigaw ng bayan. Sigaw ng malayang KYUSI! BBM! Bong-bong Mike! Damang-dama ng bayan. Alam ng mamamayan. Kaya hindi na ako mag-aaksayang makipagplastikan."
"Ngayon ay ineendorso ko si Mike Defensor bilang bagong MAYOR ng KYUSI. Ayoko na! Ayawan na! Tigilan na natin 'to! Mahal ni BBM, mahal ng KYUSI. Hindi naninisi, at hindi kayo magsisisi. Hindi kayo paBABAyaan. Kaya pabayaan n'yo na 'ko! Ayoko na! Ayawan na! Tigilan na natin ito! Ayoko na! Ayawan na! Ayoko na talaga! (Paulit-ulit)."
"Nakakasawang maging OPRESOR doon na kayo sa DEFENSOR."
"Mayora Ligaya Delmonte… NOW SIGNING OFF."
Ang mahigpit na katunggali ni Defensor sa pagka-mayor ng QC ay ang kasalukuyang mayor na si Joy Belmonte. Si Defensor ay kaalyado ng UniTeam.
Si Ai Ai ay isa sa mga celebrity na tagasuporta ng UniTeam.
Basahin: https://balita.net.ph/2022/04/02/ako-ay-tagasuporta-ng-uniteam-ako-rin-po-ay-may-pusong-ofw-ai-ai-delas-alas/">https://balita.net.ph/2022/04/02/ako-ay-tagasuporta-ng-uniteam-ako-rin-po-ay-may-pusong-ofw-ai-ai-delas-alas/
Samantala, wala pang tugon, reaksyon, o pahayag si Ai Ai tungkol dito.
