Sa pangalawang pagkakataon ay itinanghal na 'Most Valuable Player' o MVP si si basketball star Scottie Thompson ng Barangay Ginebra laban sa koponan ng Meralco noong Biyernes, Abril 22.
Matapos ngang matanggap ang MVP awards, agad na lumapit si Scottie sa misis na si Jinky Serrano, hinalikan at mahigpit na niyakap ito habang kitang-kita ang kasiyahan sa mukha nito. Isang 'proud wife' naman si Jinky para sa kaniyang MVP husband. Si Jinky raw ang lucky charm ni Scottie.
Masayang ibinahagi ni Scottie sa kaniyang IG stories ang mga litrato ng pagbati sa kaniya ng mga tagahanga, partikular ang captured moments nila ng wifey.
Ibinahagi rin ni Scottie sa kaniyang IG ang litrato ng kaniyang koponan, na may caption mula sa bible verse na Jeremiah 29:11.
Akari Sports wala pang balak pasukin ang PBA
"For I know the plans I have for you, declares the LORD, plans to prosper you and not to harm you, plans to give you hope and a future," aniya.
Matatandaang naging sentro ng kontrobersiya ang dalawa dahil unang na-engage ang basketball player sa longtime girlfriend noon na si Pau Fajardo.
Ngunit nawindang ang lahat nang mabalitaang kay Jinky siya ikinasal. Kaya naman kaliwa’t kanang negatibong komento ang natanggap ng mag-asawa mula sa mga netizen.
Basahin: https://balita.net.ph/2021/06/22/fans-na-shock-kay-ginebra-player-scottie-thompson-nag-propose-sa-isa-kinasal-sa-iba/">https://balita.net.ph/2021/06/22/fans-na-shock-kay-ginebra-player-scottie-thompson-nag-propose-sa-isa-kinasal-sa-iba/
Nabanggit naman ni Scottie na 'best decision ever' daw ang pagpapakasal niya kay Jinky at wala siyang pinagsisisihan.
Basahin: https://balita.net.ph/2022/01/04/scottie-thompson-best-decision-ever-made-ang-pagpapakasal-kay-jinky/">https://balita.net.ph/2022/01/04/scottie-thompson-best-decision-ever-made-ang-pagpapakasal-kay-jinky/
Noong Disyembre 2021 ay muli silang magpakasal sa isang magandang beach front ng Pearl Farm Resort sa Davao del Norte.
