Trending sa social media ang music video na 'Tahanan' tampok ang Kapamilya actress na si Andrea Brillantes, dahil sa isang eksena, na ikinaaliw naman ng mga netizen.
Makikita kasi sa isang eksena ng music video na inawit ng singer na si Adie, na nagluluto si Blythe ng naka-chop na hotdog, ngunit ang pinagtaka ng mga netizen, bakit ang pagtikim niya ay tila kagaya ng isang pagkaing may sabaw?
Narito ang komento ng mga netizen.
"Luh? Pritong hotdog ang niluluto tapos yung eksena ng pagtikim parang may sabaw? Sinabawang hotdog lang ang peg?"
Carlos Yulo, wala pa raw naibibigay na tulong sa pamilya kahit palihim na abot?
"Sa daming beses ko nang nagluto ng hotdog, d ko pa tinikman kahit minsan yung MANTIKA opo. hehe, anyways Adie's voice will always be not just 'music to my ears' it's all 'perfection'. You are one of the gems this generation Adie, keep up!!"
"HAHAHAHAHAHAHAHAHA HUY GAGI TAWANG TAWA AKO BLYTHEEEEEEE PANIMULA PA LANG LUTANG KA NA. PERO ANG GANDA MO PA DIN GRABE."
"Masarap po ba yung mantika hahahaha."
"Ganito pala mangyayari pag nag bf ng basketball player."
Agad namang tumugon dito si Andrea.
"sinabawang hotdog supremacy," aniya.
Samantala, nagpaliwanag naman ang direktor ng music video na si Kris Cazin tungkol dito. Aniya, sinadya niya ang ganoong eksena at sa palagay niya ay nagtagumpay naman siya. Paliwanag din niya, hindi naman mantika ang tinikman ni Andrea sa shooting nila kundi pinakuluang tubig lamang.
"Okay so nag-viral tayo dahil sa sinabawang hotdog. It actually worked!" aniya sa kaniyang Facebook post nitong Abril 21, kalakip ang screengrab ng paliwanag niya.
Samantala, maganda ang naging feedback ng mga netizen sa tambalan nina Andrea at Adie. Sana raw ay more projects pa, at may nag-sey pa na baka puwede silang itambal sa teleserye kapalit ng SethDrea (Seth Fedelin at Andrea Brillantes.
Basahin: https://balita.net.ph/2022/04/20/andrea-brillantes-adie-kinakiligan-ng-netizens-sa-tahanan-mv/">https://balita.net.ph/2022/04/20/andrea-brillantes-adie-kinakiligan-ng-netizens-sa-tahanan-mv/
Anyway, number 2 trending sa YouTube ang music video ng Tahanan, na inupload nitong Abril 20, at may 638,925 views na.
