Ana Jalandoni, mas sikat pa raw kaysa kay Bea Alonzo, sey ni Lolit Solis-Balita

Hindi pa tapos si Manay Lolit Solis kay Bea Alonzo.

Matapos banatan ang Kapuso actress dahil sa pagharang umano sa kaniya ng kampo nito na makadalo sa press conference ng bagong beauty product na ineendorso nito, ibinuking na na-late nang dalawang oras sa presscon, at mukha nang 'mashonda', may panibago na namang banat ang showbiz columnist sa aktres.

Basahin: https://balita.net.ph/2022/03/30/bea-2-oras-daw-late-sa-isang-launch-sey-ni-lolit-nagtagal-daw-sa-pagtakip-ng-wrinkles/">https://balita.net.ph/2022/03/30/bea-2-oras-daw-late-sa-isang-launch-sey-ni-lolit-nagtagal-daw-sa-pagtakip-ng-wrinkles/

Ibinahagi ni Lolit sa kaniyang Instagram post noong Abril 4 ang screengrab ng litrato ng aktres na si Ana Jalandoni kasama ang abogadong si Atty. Faye Singson, kung saan inilahad nito ang tungkol sa kaniyang side story sa insidente ng pambubugbog sa kaniya ng nobyong Kapamilya actor na si Kit Thompson.

Ana Jalandoni at Atty. Faye Singson (Screengrab mula sa IG/Lolit Solis)

Aniya, parang mas sikat pa raw ngayon si Ana kaysa kay Bea dahil mas pinag-uusapan pa raw ito ngayon. Parang mas gusto na lamang daw niyang tumutok sa mga pasabog ni Ana kaysa kay Bea na sawa na raw siya.

"Naku Salve, parang naisip ko mas sikat si Ana Jalandoni kesa kay Bea Alonzo. Imagine mo part 1 and 2 ang interview ni Boy Abunda kay Ana Jalandoni, tapos lagi pa siyang headline ng PM at PSN at iba pang tabs. Kaya parang mas gusto ko na mag- concentrate kay Ana Jalandoni, sawa na ako kay Bea Alonzo," aniya.

"Saka mas mukhang yummy si Ana dahil ayaw pawalan ni Kit Thompson. Mukhang baliw sa pag-ibig si Kit kay Ana eh si Bea na-ghosting. Kaya now, kay Ana Jalandoni na lang ako, mas sikat pa kay Bea. Stop Bea Alonzo na ako, promise para hindi na sakit ulo ni Shirley Kuan kaiisip kung ano gagawin para i-cancel tayong 3 nila Gorgy."

"Kaya Salve huwag ka nang maghanap photos ni Bea Alonzo na baka photoshop pa kaya wala masyado dahil hindi ko na siya IG. Buti pa si Ana Jalandoni, sexy at bata pa."

Samantala, wala pang reaksyon o tugon ang kampo ni Bea sa lahat ng mga patutsada sa kaniya ng showbiz columnist. Ipinaliwanag din ni Ogie Diaz kung bakit 'beast mode' si Lolit kay Bea.

Basahin: https://balita.net.ph/2022/04/05/manay-lolit-bakit-nga-ba-galit-kay-bea-alonzo-ogie-diaz-may-isiniwalat/">https://balita.net.ph/2022/04/05/manay-lolit-bakit-nga-ba-galit-kay-bea-alonzo-ogie-diaz-may-isiniwalat/

COC Filing Day 5: Mga naghain ng kandidatura ngayong Oktubre 5

Naglabas ng listahan ang Commission on Elections (Comelec) ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Sabado, Oktubre 5, ang ikalimang araw ng filing.Ngayong araw, 12 kandidato sa pagkasenador ang naghain ng COC, habang 23 party-lists ang naghain ng kanilang CONA.SENATORIAL...

Ben Tulfo sa pagtakbo rin niya bilang senador: ‘This is another Tulfo’

Sa kaniyang pagtakbo bilang senador, inihayag ng veteran broadcaster na si Ben Tulfo ang kaniyang kaibahan sa kaniyang mga kapatid na sina Senador Raffy Tulfo at kapwa senatorial aspirant Erwin Tulfo.Nitong Sabado, Oktubre 5, nang maghain si Ben ng kaniyang certificate of candidacy (COC) sa The Manila Hotel Tent City.Sa pagharap sa media ay tinanong ang beteranong broadcaster kung ano ang kaniyang...

Diwata, nabudol nga ba ng sinalihang party-list?

Nagbigay ng opinyon si showbiz insider Ogie Diaz kaugnay sa paghahain ni Deo Balbuena o “Diwata” ng certificate of nominations and acceptance (CONA) para sa Vendors Partylist..Sa latest episode ng “Showbiz Updates” kamakailan, sinabi ni Ogie na naloka raw siya na pumayag si Diwata na maging 4th nominee ng nasabing party-list.“Siyempre dahil baguhan ang party-list na ito ni Diwata,...