Teyorya ng veteran showbiz columnist na si Manay Lolit Solis, “matagal na tinakpan ang mga wrinkles” ni Bea Alonzo o ‘di kaya’y “medyo mabagal” na ang kilos nito dahil “malapit na maging senior star” matapos umano’y ma-late ito ng dalawang oras sa isang launch ng isang brand kamakailan.
Sa kanyang Instagram, pinuri ni Manay Lolit ang kabaitan ni Beautederm President and CEO Rhea Tan sa pagbibigay pa rin ng “napakagandang launching” kay Bea Alonzo bilang pinakabagong mukha ng kanyang brand kahit na-late daw ito.
“Talagang kahit na late ng 2 oras sa meet the press si Bea Alonzo, binigay parin niya ang oras at napakagandang launching lunch para sa ambassador niya na siguro kaya na late matagal na tinakpan mga wrinkles ng foundation para hindi makita. Or baka naman dahil nga malapit ng maging senior star si Bea Alonzo medyo mabagal na ang kilos dahil sumasakit na mga buto,” walang pagpipigil na sabi ni Manay Lolit.
Nauna nang ikinadismaya ng batikang showbiz insider ang pangpa-power trip umano ng Kapuso actress matapos ipatanggal umano nito siya, at ang dalawa pa niyang kasamahang writers, sa listahan ng mga dadalong press members sa naturang launching.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Baka kaya nag request siya na huwag kami pumunta nila Salve at Gorgy para hindi kami mainip dahil nga 2 oras siyang ma late at dahil mahal niya kaming 3 ni request niya na huwag kami invite. Bongga ang pagiging professional di ba, 2 oras paghintayin ang mga writers para sa isang malapit ng maging senior na star,” pagpapatuloy na saad ni Manay Lolit.
“Talagang dapat siyang mag pasalamat sa Beautederm, imagine mo kunin kang ambassador at that age, bongga ‘di ba? Kaya sure ako magiging number one top seller ang product na endorse niya, dahil proof si Bea Alonzo ng isang mature na pero hindi halata dahil sa paggamit ng Beautederm products,” dagdag niya.
“Bongga ha, 2 hours late, next year, 4 hours na iyan, kasi mas matanda na, hah hah hah joke joke joke love love love,” tila pagkambyo naman ni Manay Lolit.
