Hindi umubra ang Magnolia matapos padapain ng Meralco, 101-95, upang kunin ang 2-1 abante sabest-of-five semifinal series ng PBA Season 46 Governors' Cup sa Mall of Asia Arena nitong Linggo ng gabi.
"I'm happy we won tonight but I don't think we played great tonight," ayon kay Meralco coach Norman Black.
Nanguna sa pagkapanalo ng Bolts si Tony Bishop sa naipong 27 puntos at 10 rebounds na dinagdagan naman ng 15 puntos ni Chris Newsome.
Nag-ambag din ng tig-10 puntos sina Allein Maliksi at Bong Quinto.
'Pikon daw?' UAAP fan na nag-dirty finger, agaw-eksena sa San Juan Arena!
"We just thought this was a pivotal game for us in this series. If we could win the game, it gives us the better chance of making it to the championship," ayon pa kay Black.
Sa panig ng Magnolia, kumamada naman ng 24 puntos at 17 rebounds si Mike Harris, bukod pa sa 15 puntos ni Mark Barroca at 13 puntos ni Jio Jalalon.
Inaasahan namang maibubulsang Bolts ang Game 4 na itinakda sa Miyerkules upang makapasok na ito sa Finals.
