Mukhang ang soundtrack ng buhay ngayon ni Kapuso actor 'Jeric Gonzales' ay 'Ikaw ang Miss Universe ng Buhay Ko' ng Hotdog matapos niyang aminin ang relasyon nila ni Miss Universe Philippines 2020 Rabiya Mateo sa kaniyang Instagram account nitong Marso 16, 2022.
Sa kaniyang IG post, makikita ang kanilang mga litrato na talaga namang sweet na sweet. Makikitang nakayakap pa sa beywang ni Jeric si Rabiya.
"To more memories with you ✨❤️ @rabiyamateo I love you," saad sa caption ni Jeric.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Live. LOVE. Laugh. Thank you, Eric. ✨❤️ @jericgonzales07“, saad naman ni Rabiya sa kaniyang IG post.
"Let's be happy together ✨❤️ I love you," tugon naman dito ni Jeric.
Talaga namang nawindang ang kani-kanilang mga tagahanga at kaibigan sa showbiz at napa-sana all na lang!
Sinasabing nag-krus ang mga landas ng dalawa nang maging Kapuso si Rabiya at sumabak sa aktingan sa 'Wish Ko Lang' noong Nobyembre 2021 kung saan nagkasama sila sa isang episode.
Umugong naman ang chika na may something sila noongh Disyembre 2021, matapos silang maispatan sa isang amusement park sa Sta. Rosa, Laguna, at gayundin sa isang beach sa Olongapo City.
Matatandaang naging usap-usapan ang hiwalayan nina Rabiya at ng ex-jowang si Neil Salvacion noong 2021.
Basahin: https://balita.net.ph/2021/11/20/rabiya-mateo-available-as-a-friend-na-lang-kay-neil-salvacion/">https://balita.net.ph/2021/11/20/rabiya-mateo-available-as-a-friend-na-lang-kay-neil-salvacion/
Naging kontrobersyal pa nga ang hiwalayan ng dalawa, lalo na nang lumabas ang audition video umano ni Neil para sa reality show na Pinoy Big Brother o PBB.
"Mas nakakalungkot pala na maiwan ka ng taong minamahal mo dahil sa pangarap nitong korona. Ang coronavirus at korona sa patimpalak ay ilan lamang sa mga hamon sa aking buhay. It’s about time to share my story, how I conquered them, and how I will inspire other people. Bagong bahay, bagong buhay, bagong mga hamon sa buhay,” wika ni Neil sa kaniyang audition video noong Setyembre 2021.
sa kabila nito, wala umanong ‘masamang tinapay’ si Rabiya kay Neil, kahit na pinag-usapan ang audition video nito sa PBB tungkol sa ‘pang-iiwan’. Mananatili raw silang magkaibigan.
Si Jeric naman ay naintriga sa batikang aktres na si Sheryl Cruz.
Parehong umaalagwa ang career ngayon nina Rabiya at Jeric. Si Rabiya ay leading lady ni Senador Bong Revilla sa season 2 ng 'Agimat ng Agila' at si Jeric naman ay kumpirmadong mapapabilang sa stellar cast sa Pinoy adaptation ng 'Start-Up', kasama nina Alden Richards, Yasmien Kurdi, at Bea Alonzo.
Anyway, mabalik kay Rabiya, mukhang nitong Marso lang talaga sila naging opisyal na mag-jowa, dahil noong Pebrero, nag-post pa siya ng litrato sa IG story niya kasama ang kapwa Miss Universe Philippines na si Beatrice Gomez, na pareho raw silang 'lotlot' ni Rabiya pagdating sa Miss U at love life, matapos ngang magwakas ang halos 6 na taon nila ni Neil.
Basahin: https://balita.net.ph/2022/02/06/rabiya-at-bea-parehong-winner-sa-mup-pareho-ding-lotlot-sa-love-life/">https://balita.net.ph/2022/02/06/rabiya-at-bea-parehong-winner-sa-mup-pareho-ding-lotlot-sa-love-life/
