Inaasahang madadagdagan pa ang mahigit sa₱97 milyong jackpot sa lotto nang walang nanalo sa magkakahiwalay na draw nitong Marso 9 ng gabi.
Sa pahayag ng Philippine Charity Sweepstakes Office (PCSO), walang nakahula sa winning combination na46-29-30-34-04-20 sa isinagawang 6/55 Grand Lotto draw na may katumbas na premyong₱87,696,656.80.
Wala ring nanalo sa 6/45 Mega Lotto draw na may winning combination na33-17-09-24-22-11 at may nakalaang premyong₱9,829,344.80.
Paliwanag ng PCSO, ang 6/55 Grand Lotto ay binobola tuwing Lunes, Miyerkules at Sabado dakong 9:00 ng gabi habang ang 6/45 Mega Lotto ay binobola rin tuwing Lunes, Miyerkules at Biyernes sa kaparehong oras.
50.78% examinees, pasado sa Nov. 2024 Licensure Exam for Agriculturists
Inaasahan ng PCSO na tataas pa ang premyo para sa susunod na draw ng mga ito.
Sa kasaysayan ng lotto sa Pilipinas, huling naitala ang pinakamalaking premyong₱1.18 bilyon na pinaghatian ng dalawang nanalong mananaya sa naganap na 6/58 Ultra Lotto noong Oktubre 14, 2018.
