Kasunod ng pagsulpot ng marriage banns ni Erich Gonzales at non-showbiz partner nitong si Mateo Rafael Lorenzo kamakailan, ilang nakakalokang chika ang ibinahagi ni Cristy Fermin na nasagap umano niya sa kay Manay Lolit Solis.
Pagbubulgar ng showbiz commentator, dahil nagmula sa mayamang angkan si Mateo, ipina-background check umano ng pamilya nito si Erich.
“Pina-background check pala ng pamilya ni Lorenzo itong si Erich Gonzales,” chika ni Cristy sa naikwento ni Manay Lolit sa kanyang programang Cristy Ferminute nitong Miyerkules, Pebrero 23.
Kalauna’y naging boto naman umano ang pamilya ni Mateo sa aktres.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Nung kinalaunan okay na,” ani Cristy.
Pinuri ni Cristy ang pagsasapribado ni Erich ng relasyon nito na kadalasan aniya’y problema sa ilang artista.
Basahin: Erich Gonzales, ikakasal na sa kanyang non-showbiz boyfriend – Balita – Tagalog Newspaper Tabloid
“Ang maganda kay Erich, hindi siya maingay. Hindi niya ipinagyayabang na may boyfriend siyang anak ng bilyonaryo,” ani Cristy.
“’Di katulad ng iba d’yan na gumanda lang ang kotse ng boyfriend akala mo kung sinong pinapa-show na sa buong bayan,” tila pasaring ng showbiz host.
“Si Erich tahimik. Ganoon ang mga artista, ‘pag tahimik, nagkakatuluyan,” dagdag niya.
Dahil umano sa pagiging pribado ng aktres sa katauhan ng boyfriend nito kaya’t mauuwi sa altar ang kanilang relasyon.
“Tahimik yung bata. Maldita na kung sa maldita. Simangutera na kung simangutera pero binibigyan niya ng privacy ang boyfriend niya,” ani Cristy.
“Hindi siya nag-uumangas. Hindi siya nag-iingay. Hindi nagmamalaki,” dagdag nito.
Patuloy na chika pa ni Cristy na nasagap naman niya sa kaibigang nagtatrabaho sa isang paliparan, maka-ilang beses din umanong sinundo si Erich gamit ang isang Bently car sa isang airport noon.
Nauna nang nai-chika ni Kris Aquino noong 2018 na isang mayamang manliligaw umano ang pumunta sa shooting ni Erich sa Siargao gamit ang isang private plane.
How true na super-rich ang mapapangasawa ni Erich? Ilang netizen lang naman ang nag-ugnay kay Mateo sa isang mayamang angkan ng mga Lorenzo sa Davao na may-ari umano ng mga kilalang brands na Pancake House, Del Monte, bukod sa iba pa.
