Kinakiligan ng mga netizen ang simple subalit madamdaming Instagram post ng actor-athlete na si Matteo Guidicelli para sa 2nd wedding anniversary nila ng misis na si Popstar Royalty Sarah Geronimo nitong Pebrero 20, 2022.
"Through thick and thin and all the ups and downs, we will be partners for life!" saad ni Matteo sa kaniyang anniversary IG post na naka-tag kay Sarah.
"I love you my beautiful wife! You’re the best. ❤️❤️❤️ Happy 2nd year anniversary! #theguidicellis @justsarahgph."
Janno Gibbs nakikipogi kina Paulo Avelino, Aga Muhlach
Sa kaniyang IG story, ibinahagi ni Matteo ang video clip ng kanilang lunch ni Mrs. Guidicelli gayundin ang behind-the-scenes sa kanilang photoshoot.
Agad namang nagpahatid ng pagbati sa kanila ang mga sikat na kasamahang celebrities gaya nina Iza Calzado, Karen Davila, Vice Ganda, Tim Yap, Angel Locsin, Alex Gonzaga, Miles Ocampo, Justine Quirino, Christine Bersola-Babao, Martin Nieverra, Iya Villania, Teddy Manuel, at talent manager na si Noel Ferrer.
Isinagawa nina Matteo at Sarah ang isang secret civil wedding ceremony noong Pebrero 20, 2020 sa Shangri-la Hotel sa The Fort. Simula nang maikasal ay pansamantalang nasa hiatus si Sarah lalo na sa kinabibilangang musical variety show na 'ASAP Natin 'To' at marami na ang nakaabang kung kailan na siya magbabalik.
