Ibinahagi ni dating Pinoy Big Brother (PBB) housemate at miyembro ng GirlTrends na si Dawn Chang ang screengrab na patunay o 'resibo' na verified na ang kaniyang Twitter account; na nangangahulugang lehitimo o legit na siya talaga ang may-ari ng account na iyon.
"Thank you for the verification and follow @verified @Twitter ☑️" saad ni Dawn sa kaniyang latest tweet nitong Pebrero 18, 2022 ng hapon.
Carlos Yulo, wala pa raw naibibigay na tulong sa pamilya kahit palihim na abot?
Sinabi rin ni Dawn na na-hack umano ang kaniyang Facebook account at inayos na nila ito. May netizen kasi na nagtanong kung nagbura ba siya ng mga FB posts niya doon.
"I didn’t. My Facebook was hacked and cannot be found. We are working on it.
Ito ang latest tweet ni Dawn matapos ang usap-usapan na siya umano ang pinariringgan ng dating kasamahan sa GirlTrends na si Chie Filomeno, tungkol sa 'karma is real', bagama't walang kinumpirma ang calendar girl ng Ginebra kung tama ba ang mga hinuha ng netizen tungkol dito.
Ayon sa tweet ni Chie nitong Pebrero 17 ng hapon, mukhang ang taong pinatatamaan niya ay nagagalit dahil nasisira ang reputasyon nito dahil sa kagagawan ng ibang tao---bagay na ginawa umano nito noon kay Chie.
BASAHIN: https://balita.net.ph/2022/02/17/chie-filomeno-may-pinasasaringan-eh-di-na-back-to-you-ka-di-ba-because-karma-izzz-real/">https://balita.net.ph/2022/02/17/chie-filomeno-may-pinasasaringan-eh-di-na-back-to-you-ka-di-ba-because-karma-izzz-real/
"Funny how you’re so mad someone is ruining your reputation, yet that’s what you’ve been doing to me for the longest time," ani Chie.
"Do not do unto others what you do not want others do unto you. Edi na back to you ka diba? Because karma izzzz real. Shhh na nga ako ?? kbye," ayon pa sa isang tweet.
Samantala, habang isinusulat ito ay wala pang reaksyon si Dawn tungkol sa kumakalat na espekulasyon ng mga netizen na siya raw ang pinatututsadahan ni Chie.
