Umapela si Kapamilya actress Angel Locsin sa kanyang nasa higit 33 million followers online na “kilatising mabuti ang bawat pulitiko” ngayong nagsimula na ang kampanya para sa eleksyon sa Mayo.
“Huwag bumoto ng may bahid ng kurapsyon, Sinungaling, Nagmamanipula ng batas, Tamad, Malabo at hindi makatotohanang plano sa bansa,” dagdag ng aktres sa kanyang magkakasabay at Instagram at Facebook post nitong Miyerkules, Pebrero 9.
Makikita sa nasabing post ang itim na parisukat na may mga salitang “Never Again!”
Kasunod na nakiusap din ang aktres sa kanyang mga tagahanga.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Kaya kung napasaya ko man kayo kahit paano, o kahit para sa sarili nyo na lang, please lang, VOTE RIGHTLY! Pag isipan rin kung sino ang susuportahan! ??????”
Nagkomento rin ng pagsuporta sa naturang post ni Angel ang kanyang asawa na si Neil Arce.
Nasa 9.4 milyon ang followers ni Angel sa Instagram habang 24 milyon naman sa Facebook.
Si Angel ay kilalang isa sa mga masugid na taga-donate ng halagang pera o ilang donasyon sa mga lugar na nasalanta ng kalamidad.
