Matapos ang apat na buwan, nakatikim muli ng panalo ang koponan ni Kobe Paras na Niigata Albirex laban sa Ibaraki Robots sa pagpapatuloy ng kanilang kampanya sa Japan B.League sa City Hall Plaza Ao-re Nagaoka nitong Sabado.
Sa pamamagitan ng 79-76 panalo, naputol ang 26 na sunud-sunod na pagkatalo ng Niigata, tampok ang 10 puntos ni Paras.
Pinangunahan ni Rosco Allen ang Niigata sa 26 puntos nito, 5 rebounds at 3 assists.Bago pa nakuha ang ikatlong panalo, huling nakatikim ng tagumpay ang Niigata nang pataubin nito ang San-En noong Oktubre 2021.
