Sa dami ng mga dumalo sa ginanap na 'UnkabogaBALL 2021' na LGBTQIA+ community event ni Unkabogable Star Vice Ganda, ang anak-anakan niyang si Awra Briguela ang namukod-tangi at itinanghal na 'UnkabogaBALL Star of the Night'.
Si Awra ang itinanghal sa kaniyang mala-Lady Gaga peg at sina Julia Fresh, Jake Galvez at Martin De Leon naman ang mga runners-up.
"Make up by @carellgarciahairmakeup, hair provided by @humanhairwigsbydave, styled by @paulxsese #StyledbyPaulSese TeamRyujiShiomitsu @Ryujishiomitsu," pasasalamat ni Awra sa kaniyang Instagram post.
Buong produksiyon ng 'Batang Quiapo,' pina-drug test ni Coco
Hindi pinalagpas ni Awra ang pagkakataon upang makapagpa-picture sa kaniyang nanay-nanayan na si Meme Vice.
Ginanap ang naturang event sa Okada Manila na dinaluhan ng mga sikat na queer artists sa industriya.
Bukod kina Awra at mismong hostess nito na si Vice Ganda, ang mga dumalo sa naturang event ay mga malalapit na kaibigan ni Meme gaya nina, Negi, Petite, MC Muah, Lassy Marquez, Chad Kinis, impersonator ni Karen Davila na si Jervi Li o 'KaladKaren Davila', at Anton Diva.
Present din sina Miss Trans Global 2020 Mela Habijan, Argie Roquero, Macoy Dubs, G-Force members Jorge at Michael, Bakla ng Taon (BNT) members na sina Joevin Catubig, Jerico Delena, at George Condesa, Queen Pia Paolo, Jegs Chinel, IC Mendoza, Cedric Rosal, Matty Juniosa, Lucas Garcia, Enzo Almario, Zen Estrebillo, Jomar Yee, Inah Evans, Julia Fresh, Pepay, Iya Minah, O Divas, Lady Gagita, Jake Galvez at Martin De Leon, impersonator ni Kris Aquino na si Tita Krissy Achino, Pipay Kipay, Gaia Polyhymnia, TonTon Soriano, Orli Domingo, Kitty Montecarlo, Divine Tetay, Donita Nose, at drag race royalty Jiggly Caliente.
Imbitado rin si White Castle Calendar Girl 2022 Sassa Gurl.
At syempre, sa isang pambihirang pagkakataon ay nakasama ni Vice Ganda si Paolo Ballesteros, na isa sa mga hosts ng karibal na noontime show ng 'It's Showtime' na 'Eat Bulaga'.
"I want to build a bridge to create a relationship amongst all of us. At ako katulad ko when I was starting in the industry, there were a lot of beautiful people, there were a lot of very supportive people who were there to guide me along the way pero I am so blessed na napapaligiran ako ng maraming tao na matatalino, mahuhusay, mababait na nag-ga-guide sa akin," pahayag ni Vice sa panayam kung bakit siya nagdaos ng isang special event.
