Hinihikayat umano ng mga netizen at concern sa kaniyang kalusugan si Queen of All Media Kris Aquino na magpakonsulta na sa albularyo dahil baka may kumukulam na raw sa kaniya.
Iyan ang ibinahagi ng showbiz columnist na si Ogie Diaz sa kaniyang YouTube channel na 'Showbiz Update' kung saan marami raw ang nagtetext sa kaniya na sabihan na si Kris na magpa-albularyo na.
Chika pa ni Ogie, may isang artista raw siyang nakausap na nagkuwento sa kaniya, na sinabihan umano nito ang assistant ni Kris na bakit hindi subukin ang pagpapa-albularyo.
Baka raw ang nararanasan ngayon ni Kris ay epekto ng kulam. Wala raw kasing mahanap na lunas o dahilan ng pagkakasakit nito, kaya malamang sa malamang ay baka nga raw nakulam o nabarang ito, sey ng naturang artista.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Bakit daw biglang nag-deteriorate ang katawan ni Kris, bakit daw nagkaroon ng ganoong sakit si Kris… 'di ba," sey ni Ogie. May mga nagpapadala rin umano ng text o direct message sa kaniya na hikayatin si Tetay na subuking uminom ng mga quack medicine at baka sakaling gumaling siya.
Ngunit ayon din mismo kay Ogie, may nakarating sa kaniya na hindi umano naniniwala si Kris sa albularyo o kaya naman ay faith healer.
Matatandaang iyan din ang sinabi ng showbiz columnist na si Cristy Fermin sa kaniyang radio program na 'Cristy Ferminute'.
BASAHIN: https://balita.net.ph/2022/01/15/kris-aquino-pinayuhang-magpa-albularyo-sey-ni-cristy/">https://balita.net.ph/2022/01/15/kris-aquino-pinayuhang-magpa-albularyo-sey-ni-cristy/
Hinikayat nga ni Ogie si Kris na baka puwede niyang subukin ang pagpapagamot sa albularyo kung talagang hindi na ma-detect ng mga dalubhasa kung saan talaga nanggagaling ang kaniyang pagkakasakit.
"Hindi naman natin kinukuwestyon ang kapasidad ng mga doktor, pero kung ganyang patuloy na bumababa ang kaniyang immune system, baka puwede naman nating bigyan ng konsiderasyon yung (pagpapagamot) sa mga faith healer."
"Baka naman talagang nakukulam si Kris o nababarang… meron at meron kasing nagagalit kay Kris… pero syempre, sana naman walang gumagawa nang ganoon, kasi ang balik niyon ay sa'yo," sey pa ni Ogie na ang tinutukoy ay ang posibleng nagpakulam kay Kristeta.
"Mareng Kris, baka naman puwede mong ikonsidera ito," pagdidiin pa ni Ogie.
Nakarating na umano kay Kris ang suggestion na magpatingin na ito sa albularyo, pero ayon umano sa source ni Ogie, hindi pa ito ineentertain sa ngayon ng Queen of All Media.
Aware naman umano si Krissy na marami na ngang nagsasabing magpakonsulta na siya sa albularyo, subalit sa ngayon daw ay sa mga medical doctors na muna siya magtitiwala.
Nagpapasalamat naman umano si Krissy sa lahat ng mga nagmamalasakit sa kaniya.
