How true na sinugod umano ni Andrea Brillantes si Francine Diaz sa dressing room, dahil daw sa pagseselos?
Iyan ang isa sa mga hot topic nina Ogie Diaz, Mama Loi, at Tita Jegs sa kanilang 'Showbiz Update' na umere nitong Enero 17, 2022.
Chika ni Ogie, hindi naman niya kinukumpirmang totoo ito, ngunit ito raw ang impormasyong nakarating sa kaniya mula sa mga mapagkakatiwalaang sources na nakasaksi sa panunugod daw ni Andrea kay Francine sa dressing room noong Disyembre 18, 2021, sa ABS-CBN Christmas Special na umere nang live.
"Eh sa totoo lang po, narinig namin na hindi na pinagsasalita pa yung mga bata for now," wika ni Ogie. "Syempre, kumukuha naman tayo ng mga detalye sa mga taong malalapit sa kanila."
Carlos Yulo, wala pa raw naibibigay na tulong sa pamilya kahit palihim na abot?
Sey pa ni Ogie, panahon pa raw ng hit teleseryeng 'Kadenang Ginto' kung saan sila sumikat nang husto at nabuo ang 'Gold Squad', may hindi na pagkakaunawaan umano sina Andrea at Francine, subalit pinili na lamang nilang magpaka-propesyunal sa trabaho.
"Pagdating sa trabaho okay sila, pero may kaniya-kaniya silang set of friends. Eh ang lumalabas tuloy na mabait ay itong si Francine. Itong maldi-maldita raw ay itong si Blythe, si Andrea. Iyan yung mga nakakarating sa atin, ano…" hirit ni Ogie.
At dito na naungkat ang panunugod daw ni Andrea kay Francine sa dressing room. Nag-ugat daw ito sa pagpapapicture umano ni Seth kay Francine pagkatapos ng event, na hindi raw nagustuhan ni Andrea. Ayaw daw ni Andrea na ginagawa ito ni Seth dahil nga gino-groom ang SethDrea para maging isa sa mga tambalang aabangan sa Kapamilya Network.
Naipakita rin nila ang mga ipinakalat na videos ng mga fans na nadulas si Kyle Echarri sa pagsasabing boyfriend ni Francine si Seth. Makikita rin ang ilang mga videos kung saan makikita ang kakaibang 'body language' at mga panakaw na sulyap ni Seth para kay Francine.
Pambubuking pa ni Ogie, ayon daw sa kaniyang mga source ay nagkaroon ng relasyon sina Seth at Andrea sa loob ng dalawang taon, sa kasagsagan ng paggawa nila ng KG.
Samantala, wala pang paliwanag sa panig na ito sina Andrea, Francine, o maging si Seth.
