Kasunod ng pagdiriwang ng ika-56 na kaarawan ni Megastar Sharon Cuneta noong Enero 8, naging personal naman siya sa kaniyang Instagram post kamakailan kaugnay ng kaniyang nararamdamang kalungkutan.
“I have not been this lonely in years, and right after the new year came in right after my birthday,” saad ng Megastar sa kanyang Instagram post kalakip ang isang emoticon na tila nagpapahiwatig ng pagkadismaya.
Larawan ng isang babae na mag-isang nakaupo sa isang bangko ang ibinahagi ni Sharon bilang katumbas ng mga salitang binitawan.
Carlos Yulo, wala pa raw naibibigay na tulong sa pamilya kahit palihim na abot?
Kasunod nito, bumuhos naman ang mensahe ng kapwa artista na nagpapaabot ng dasal kay Megastar.
Kabilang sa mga nagkomento ng praying emoticon sina Tina Paner, Arlene Muhlach, at ang mentee ni Sharon sa The Voice Teens PH na si Jeremy G.
“Everything will be fine ate. <3” saad naman ni Judy Ann Santos.
Hindi naman ibinahagi ni Sharon ang ilan pang detalye sa nasabing post.
