Mas maraming consular offices ng Department of Foreign Affairs (DFA) na matatagpuan sa mga mall ang ipinag-utos na pansamantalang isara kasunod ng dumaraming impeksyon sa coronavirus disease (COVID-19).
Pansamantalang isinara ang mga consular service sites ng departamento sa SM Megamall sa Mandaluyong at sa Carig Sur, Tuguegarao City sa Cagayan noong Enero 7.
“The Department of Foreign Affairs (DFA), through the Office of Consular Affairs (OCA), advises the public that the operations of its consular service sites in SM Megamall and Tuguegarao City have been temporarily suspended today (Jan. 7) as part of the department’s precautionary measures against the spread of COVID-19 amid the steep rise in cases in January 2022,” sabi ng DFA sa isang advisory.
Inabisuhan ng mga apektadong aplikante ng consular office sa SM Megamall na sa halip ay tumuloy sa site sa Enero 10 hanggang 14. Maaari rin silang makipag-ugnayan sa nasabing consular office sa pamamagitan ng authentication unit nito sa pamamagitan ng [email protected].
Ex-Pres. Duterte, ikakampanya si Quiboloy: 'Marami siyang alam sa buhay!'
Ang consular site na matatagpuan sa Regional Government Center sa Carig Sur, Tuguegarao City, Cagayan, ay pansamantalang isasara hanggang sa susunod na abiso. Ang mga apektadong aplikante ay maaaring makipag-ugnayan sa pamamagitan ng [email protected] at sa consular office para sa mga urgent concern sa pamamagitan ng email, sabi ng DFA.
Nauna ring itinigil ang operasyon ng temporary off-site passport services (TOPD) sa Robinsons Lipa, Robinsons Magnolia, at SM Manila dahil sa tumataas na kaso ng COVID-19 at ang pagkalat ng Omicron variant sa bansa.
Sinabi ni Foreign Affairs Undersecretary Brigido Dulay na "naperwisyo ng Omicron ang hanay ng ating mga tauhan," na nag-udyok sa kanila na pansamantalang isara ang mga tanggapan para sa pagdidisimpekta.
Samantala, umapela ang kagawaran para sa patuloy na pang-unawa ng publiko dahil sumusunod lang din ito sa mga itinalagang hakbang laban sa COVID-19 pandemic para sa kaligtasan ng mga tauhan at aplikante.
Betheena Unite
