Lorenzana sa martial law, total lockdown rumors: 'Fake news'

By Balita Online

January 06, 2022

In BALITA National

Itinanggi ni DefenseSecretary Delfin Lorenzana nitong Huwebes, Enero 6, ang sinasabi ng isang voice recording na kumakalat sa social media na magpapatawang gobyerno ng martial law o total lockdown upang mapigilan ang lalo pang paglobo ng bilang ng coronavirus disease 2019 (COVID-19) cases sa bansa.

"Not true. Fake news. Definitely, out of the picture," ang bahagi ng mensahe ni Lorenzana sa mga mamamahayag.

Sa nabanggit voice recording, isang babae ang nagsasalita at kinukumbinsi ang publiko na mag-imbak ng pagkain hanggang Enero 30 dahil sa posibilidad na magdeklara ng batas militar o lockdown si Pangulong Rodrigo Duterte sa susunod na linggo.

Sa nasabing senaryo, walang pinahihintulutang lumabas ng bahay kaya kinakailangang mag-imba ng sapat na pagkain, ayon sa nabanggit na babae.

“There is no compelling reason to declare martial law,” pagdidiin ni Lorenzana.

Nitong Huwebes, Enero 6, aniya, aabot sa17,220 kaso ng COVID-19 ang naitala ng Pilipinas, mas mababa pa rin kumpara sa 26,000 na naitala noong 2021.

"The highest we had was 26,000 plus last year. Today we have 17,220. This variant, while more transmissible, is less virulent than Delta. Less people get seriously sick," pahayag nito.

Pinag-aaralan pa aniya ng Inter-Agency Task Force for the Management of Emerging Infectious Diseases (IATF-EID) ang sitwasyon, gayunman, wala umanong magaganap na total lockdown.

PNA

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...