Isa sa mga Pinoy celebrities na talaga namang tumututok at aktibo sa pagtu-tweet ng updates sa tuwing may Miss Universe competition ay si Unkabogable Star Vice Ganda.
Nitong Disyembre 13, kasabay ng coronation night ng Miss Universe na napanood nitong umaga sa Pilipinas, isa sa mga nai-tweet ni Vice ay ang napakagandang si Marian Rivera na isa sa mga naupong hurado sa naturang timpalak. Kapansin-pansin ang paghiyaw at masigabong palakpakan ng mga Pinoy na nanood nang live sa venue, nang ipakilala na ang Kapuso actress.
#WalangPasok: Class suspensions ngayong Biyernes, Sept. 20
At talaga nga namang hindi nagpakabog si Marian sa hanay ng mga pinagpipitaganang hurado, dahil para na siyang isang kandidata na puwedeng-puwede na ring sumalang sa Miss Universe stage.
At iyan din ang napansin ni Meme Vice na kaniya namang nai-tweet.
"Si Marian ang koronahan. Siya pinakamaganda! Panalo ang Pilipens! #MissUniversePhilippines2021," aniya.
Tila sumang-ayon naman ang mga netizen sa kaniya.
"Mas panalo yung recording artist po. Pero ang gandaaa talagaaaaa!"
"Sa byuti panalo si Marian natin… pwede."
"Maganda pa si Marian sa mga contestant!"
"Panalo ang ganda ni Marian, grabe! Bagay na bagay sila ni Dingdong Dantes na napakagwapo rin naman."
