Kinaaaliwan ngayon sa social media ang ibinahaging video ni Megastar Sharon Cuneta sa kaniyang Instagram account, kung saan makikitang naghuhugas siya ng mga pinagkainang pinggan ng kaniyang mga kasamahan sa 'FPJ's Ang Probinsyano'.
Ngunit habang nakikipagbiruan at naghuhugas ay hindi niya sinasadyang masanggi ang kahuhugas lamang na pinggan kaya nabasag ito.
"Ayan nagpresinta maghugas ng plato. Di sinasadyang nakabasag! Ngee!!!!!" caption ni Shawie sa kaniyang IG post na naka-tag kina Angel Aquino, Ara Mina, at Shaina Magdayao.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ngunit ang ikinabigla ng mga netizen ay nang kagatin ng Megastar ang piraso ng nabasag na pinggan.
Narito ang ilan sa mga komento:
"Nagulat ako eh haha susmaryosep ka po buti 'di ka po nasugatan, ang saya sa place mo po ngayon with them hehe happy for you!!"
"Tinatamad ako maghugas kanina eh pero noong nakita ko 'tong video na 'to hinugasan ko na kahit 'di naman hugasin."
"You're soooo cute, Ate Shawie. Minsan lang po maghugas, nakabasag pa."
"Natakot ako sa pagkagat ng basag na plato!"
Walang dapat ipag-alala ang mga Sharonian dahil hindi naman nasaktan o nasugatan ang mga kamay, o mga labi ng Megastar dahil sa pagkagat nito sa bahagi ng basag na pinggan.
Samantala, ibinahagi rin ni Shawie ang mga video ng kanilang kasiyahan ng mga cast ng FPJ's Ang Probinsyano habang day off nila. Makikitang nagkakasiyahan sila sa pamamagitan ng pagbi-videoke.
