Si Gerald Anderson naman ngayon ang puntirya ng 'Pambansang Lalaking Marites' na si Xian Gaza.
Matapos ang mga pasabog niya kina Kylie Padilla, AJ Raval, Aljur Abrenica, Barbie Imperial, at Diego Loyzaga, ang katambal naman ng baguhang singer at aktres na si Gigi De Lana ang 'sinisilaban' ngayon ni Xian sa pamamagitan ng mga nambibiting chika, na inaabangan naman ng mga 'Marites and friends'.
Nagsimula ito sa pagpo-post ni Xian nitong Disyembre 5 kung saan sinabi niyang "Work hard until your idols become your tropa" na pumapatungkol kay Gigi De Lana. Pagkatapos, ibinahagi niya ang larawan nila ni Gigi habang magkasama at magka-finger heart pa. May caption itong 'Happy ako ngayon kasi may bago akong tropa'.
Rita Avila, napatanong: 'Sino at ano ang sasagip sa mga Pilipino?'
Bandang gabi, nag-post ulit si Xian na nakahiga na siya sa kama at ang caption ay "Matutulog nang nakangiti. Good mornight po sa lahat except kay Gerald Anderson. (see top comment)."
May kasunod kaagad ito, "Mars, eto na nga. Nakakapit ka na ba? Alam mo ba si Gerald wait tulog lang ako brb".
Maya-maya, ibinahagi na ni Xian ang naging pag-uusap nila nang nakilalang si Gigi.
"So eto na nga ang chika mga Mars. Nagtsismisan kami ni Gigi kaninang madaling-araw sa lobby ng isang mamahaling hotel na 'di afford ng mga Marites na hampaslupa."
"Sabi ko, 'What if sirain ko relasyon ni Gerald at Julia para wala nang hadlang sa love team n'yo?'"
"Sagot niya (non-verbatim), 'Hoy Xian huwag gano'n! Bad 'yon! Mabuting tao si Gerald. He's a very nice guy. Everyone loves him. Nami-misunderstood lang talaga siya ng madlang people at alam mo naman ang social media 'di ba? Parang ikaw lang din.'"
"Sabi ko, "Gigi, may sasabihin ako sa 'yo. Ating dalawa na lang sana 'to. Huwag na lang sana makakalabas ha? May mga alam kasi ako kay Gerald na hindi mo alam…'"
"GIGI: "Sige sige, like what?'"
"'One time, nung nasa isang lock-in taping si Julia…'"
Sa pagkakataong ito ay nambitin na si Xian.
"Wait Mars, dumating na yung food delivery ko. Kunin ko lang sa baba. Brb."
Sa sumunod na Facebook post, ibinahagi naman ni Xian ang pag-uusap nila ng isang nagngangalang 'Lhea Bernardino'.
"Lhea Bernardino: 'Mars!!! Ano ginawa ni Gerald habang nasa lock-in taping si Julia?? Dali na please! Nakakabitin!'"
"XIAN GAZA: 'Aba ang Gerald mo eh kinita si…'"
At ang latest Facebook post niya ay nitong Disyembre 6 (Kay aga-agang tsaa!).
"Kung ang tawag sa mga supporters ni Duterte ay DDS, sa mga supporters ni Leni ay Dilawans at sa mga supporters ni BBM ay Marcos Apologists… ang tanong ng bayan ngayon, sino ang kinita ni Gerald habang nasa lock-in taping si Julia Barretto?"
Ano na naman kaya ang pasabog na ito ni Xian Gaza hinggil kay Gerald, na may teleseryeng 'Hello, Heart' katambal si Gigi De Lana? Kaya mga Marites and friends, kumuha na ng popcorn at abangan ang mga susunod na kabanata.
