Ibinahagi ng actress-host na si Yassi Pressman ang kaniyang engkuwentro habang nasa clinic ni Dra. Aivee Teo ng The Aivee Clinic.
Nakasabayan lang naman niya ang nag-iisang Diamond Star na si Ms. Maricel Soriano! Grabe daw ang naging reaksyon niya nang magpa-picture sila together, dahil hindi pa yata sila nagkakasama sa isang proyekto, at talaga namang parang isang tagahanga si Yassi nang makaharap ito.
"Some of my favorite moments in @theaiveeclinic this week," kuwento ni Yassi sa kaniyang Instagram post.
"Went for my first Onda & Ulthera session ~ saw @draivee and @drzteo and it was so fun catching up with them! & @anngtirona, @xtiancarreon."
Carlos Yulo, wala pa raw naibibigay na tulong sa pamilya kahit palihim na abot?
"Tapos nakita ko si Diamond Star!!! Ms. @officialmaricelsoriano---at makikita n 'yo naman, nang niyakap n 'ya po ako nanginig ako talaga!!! SUPER KILIG. I was so shyyyyyyy & starstruck!!!" ani Yassi.
Marami naman sa mga netizen ang nagkomento na sino nga naman ba ang hindi mai-starstruck sa isang Diamond Star? Hiling nila, sana raw ay magkaroon ng proyekto ang dalawa.
Si Yassi ay nasa TV-5 bilang host ng 'Rolling It Philippines' matapos ang kaniyang pagganap bilang Alyanna sa 'FPJ's Ang Probinsyano'. Ang huling proyekto naman ni Marya sa ABS-CBN ay ang teleseryeng 'Ang Sa Iyo Ay Akin' na isa sa mga teleserye ng Kapamilya Network nitong 2021 sa kabila ng kawalan ng prangkisa nito.
