PCSO: Jackpot prize ng Ultra Lotto, aabot na sa P375 milyon!

By Balita Online

November 25, 2021

In BALITA

Tinatayang aabot sa tumataginting na P375 milyon na ang magiging jackpot prize na maaaring mapanalunan sa Ultra Lotto 6/58 na nakatakdang bolahin ng Philippine Charity Sweepstakes Office (PCSO) bukas ng gabi, Biyernes, Nobyembre 26.

Ayon kay PCSO General Manager Royina Garma, ito ay matapos na walang makakuha ng jackpot prize na mahigit sa P360 milyon nitong Martes dahil walang nakahula sa six-digit winning combination na 58-19-35-46-30-10.

Mayroon namang 21 mananaya ang nagwagi ng second prize na tig-P120,000 nang makahula ng tig-limang tamang numero.

Dahil walang nakakuha ng jackpot prize, inaasahan namang madaragdagan pa ang jackpot prize ng Ultra Lotto 6/58 at aabot na sa mahigit P375 milyon.

Ang tiket ng Ultra Lotto 6/58 ay nagkakahalaga ng P20 at binobola ng PCSO tuwing Martes, Biyernes at Linggo, ganap na alas-9:00 ng gabi.

Kaugnay nito, hinikayat naman ni Garma ang publiko na patuloy na tangkilikin ang kanilang PCSO games partikular na ang lotto upang sa halagang P20 lamang ay magkaroon na ng tiyansang maging susunod na instant milyonaryo at makatulong pa sa mga taong nangangailangan.

Mary Ann Santiago

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...