Tuloy-tuloy ang Instagram posts ni Queen of All Media Kris Aquino matapos ang kaniyang pagkompronta kay senatorial aspirant at dating Quezon City mayor Herbert Bautista, dahil sa ginawa nitong pagpaparinig sa kanilang nakaraan, sa pamamagitan ng isang tweet.
Sa kaniyang latest Instagram posts, inilarawan niya ang fiance na si dating DILG Secretary Mel Sarmiento bilang 'The Better Man'. Mukhang LSS si Krissy sa version ni Taylor Swift ng 'Better Man'. Sabi pa niya, forever 'Swiftie' siya o tawag sa mga tagahanga ng international singer.
Isinama pa niya ang paborito niyang lyrics mula sa kanta.
"And I gave to you my best and we both know you can’t say that/I wish you were a better man/I wonder what we would’ve become/If you were a better man/We might still be in love/If you were a better man/You would’ve been the one/If you were a better man."
Maris, namundok matapos maeskandalo kay Anthony
Malaki umano ang pasasalamat ni Krissy sa kaniyang namayapang kuyang si dating Pangunong Noynoy Aquino, dahil ito ang naging tulay upang makilala niya ang 'The Better Man' ng buhay niya---syempre, si Mel Sarmiento!
"When I woke up beside him this morning, I really thanked God and thanked my Kuya up in heaven for reconnecting me with #thebetterman," aniya. Si Mel ay naging DILG Secretary sa panahon ng administrasyon ni P-Noy.
Pinasalamatan naman niya si Mel dahil sa pagmamahal nito sa kaniya sa kabila ng nakaraan niya. Ngayon lamang umano naranasan ni Kris na may isang lalaking buong-tapang na nagtanggol sa kaniya.
"Thank you babe… Nobody has stood up & fought for me the way you have consistently been doing. You have never blamed me for my past, instead you have just loved me for me. Every time I remember last week when we mistakenly thought ready for occupancy na Bimb’s unit, (we are leasing 2, unfortunately 1 floor apart) before we left, he hugged you tight and said 'I love you Tito Mel, please take special care of mama because I love her so much.' I really thank God because my beloved bunso both loves & trusts you. #family."
Samantala, sa isa pang Instagram post, ibinahagi ni Kris ang litrato ng bouquet of flowers na ibinigay sa kaniya ni Mel, at sorpresang balloons sa kaniya ni Bimby.
Nakasaad sa note ni Mel: "My Dearest Babe, YOU HAD A ROUGH DAY YESTERDAY. CHILL AND BE HAPPY TODAY! Love you very much! Your Babe forever, Mel."
"All I can say is- what did I do to deserve the love of these 2? A beautiful way to finally end a very unwelcome epilogue… Have a love-filled weekend everyone because I'm confident we will," caption naman ni Kris.
Nitong Nobyembre 20, kinompronta ni Mel si Bistek hinggil sa cryptic tweet nito, na bagama't wala namang binanggit na pangalan, ay ikinonekta kay Kris Aquino.
Maging si Kris, hindi ito pinalagpas at pinagsabihan siyang huwag gamitin ang kanilang nakaraan para mapag-usapan at makakuha ng boto sa halalan.
Sa huli, humingi naman ng dispensa si Herbert sa kaniyang inasal.
Aniya, nadala lamang siya ng kaniyang damdamin at ito ay isang honest mistake.
