Inamin ni Herlene Budol o mas kilala bilang 'Hipon Girl' na wala pa siya sa showbiz ay crush na crush na niya si Kapuso hunk actor na si Jak Roberto, na jowa ngayon ni Barbie Forteza.
Ayon sa kaniyang latest Facebook post, "Alam n'yo ba na si Jak Roberto ang crush ko dati haha wala share ko lang."
Kaya sabi ni Hipon Girl kay Barbie, 'pahiram' daw muna ang kaniyang si Jak, na makakasama niya sa isang episode ng 'Dear Uge'.
"Kaya Ate Barbie peram muna haha. KAYA IKAW HUWAG KA MAWALAN NG PAG AASA, NANINIWALA NA 'KO SA PM IS THE KEY HAHA."
Mark Andrew Yulo, naniniwalang babalik sa kanila ang anak na si Carlos
Kalakip ng FB post na ito ang screengrab ng pag-PM ni Hipon Girl kay Jak noong 2017 dahil nagpapabati siya sa kaniyang 18th birthday, subalit dedma siya ni Jak.
"Hi Jak Roberto, super fan mo po ako promise. 18th birthday ko po sa August 23 kahit pabati lang po ako, kahit short video lang po, please super saya ko na po, sana pansinin n'yo po ako."
At dahil hindi siya pinansin ni Jak, nag-PM ulit siya sa ikalawang pagkakataon, subalit dedma pa rin siya nito. Ni hindi nga na-seen.
At nitong Agosto 29, 2021, makalipas ang apat na taon ay aka lamang nabasa ni Jak ang mensahe ni Hipon Girl.
"HAHAHA Shet sorry ngayon ko lang nabasa 'to HAHAHA since 2017 pa pala itong message mo! AWWW haha cute mo! Puwede bang belated na lang?" ani Jak.
"Di ba!!! Sabi ko sa iyo eh!!! Ang sama mo 22 na ko ngayon 'di mo pa rin ako nababati hahaha," tugon naman ni Hipon Girl.
Kaya masayang-masaya si Hipon Girl dahil sino nga naman ba ang mag-aakalang ang dati niyang crush at hinahangaan, ngayon ay nakakatrabaho at nakakatambal na niya sa isang proyekto? Sana all!
