Ngayong napababalita na ang napipintong pag-alis ni Kuya Kim Atienza bilang weatherman at trivia master sa TV Patrol, marami ngayon ang nagtatanong kung sino ang papalit sa kaniya gabi-gabi.
Kaniya-kaniyang bigay ng pangalan ng mga kilalang Kapamilya newscasters ang mga netizens, subalit ang nanaig ay si Migs Bustos, ang kanilang sportscaster ng ABS-CBN News Channel o ANC.
Sa Facebook page na 'Online Buzz,' makikita ang isang edited photo kung saan makikita si Migs Bustos na siyang nag-uulat ng Ulat-Panahon sa TV Patrol.
Carlos Yulo, wala pa raw naibibigay na tulong sa pamilya kahit palihim na abot?
Narito ang ilan sa komento ng mga netizens.
"Wooww pang-good vibes sa TV Patrol, no back to you Kuya Kim!"
"Ok lang kahit mawala na si Kuya Kim, guwapo naman pala nang kapalit. Ipatrending na 'yan sa Twitter para malaman ng ABS management!"
"May alam ba 'yan sa weather forecasting o babasahin lang, 'di gaya ni Kuya Kim na alam niya sinasabi niya talaga. Kuya Kim pa rin ako!"
"Tumatak na kasi si Kuya Kim sa akin sa TV Patrol, napaka-surreal na makikita ko siya sa katapat na palabas. Pero sabi nga niya, weather weather lang 'yan. We will miss you in Kapamilya, Kuya Kim!"
"Ang sarap naman ng kapalit, parang gusto ko tuloy may ulat lagi ng panahon."
"Si Mang Tani!"
Sino nga ba si Migs Bustos?
Ang buo niyang pangalan ay Miguel Carlos Lim Bustos na isinilang noong Disyembre 4, 1988), at kasalukuyang sports television news anchor, commentator, reporter at model sa ABS-CBN, ABS-CBN Sports and Action Channel (noon), at ANC.
Nagtapos siya ng Bachelor's degree sa Business Management sa De La Salle University noong 2010.
Bukod sa pagiging media man, isa rin siyang lisensyadong real estate broker. Married na siya kay Michelle Mediana at noong 2020 ay isinilang ang kanilang baby girl na si Margaux Andrea. Isa rin siyang vlogger na may 5.53K subscribers.
Ikaw, may naiisip ka pang puwedeng pumalit sa puwesto ni Kuya Kim sa TV Patrol?
