Napasakamay na nina Olympic medalists Hidilyn Diaz at Eumir Felix Marcial ang bagong house and lot sa mismong bayan ng mga ito sa Zamboanga City.

Ito ang isinapubliko ng Armed Forces of the Philippines-Real Estate Office (AFP-REO), nitong Lunes, Setyembre 6.

Personal na itinurn over ng mga kinatawan ng National Housing Authority (NHA), Armed Forces of the Philippines Real Estate Office (AFP-REO), at Philippine Sports Commission (PSC) ang susi ng dalawang house and lot unit nina Diaz at Marcial, nitong Setyembre 2.

Nauna nang ipinangako ni Pangulong Rodrigo Duterte ang dalawang housing unit matapos mag-uwi ng medalya ang dalawa sa katatapos na 2020 Tokyo Olympics kamakailan.

'Pikon daw?' UAAP fan na nag-dirty finger, agaw-eksena sa San Juan Arena!

Nakapuwesto ang bahay at lupa sa Cabaluay Place, Sitio Catumbal, Barangay Cabaluay ng lungsod, ayon naman kay Lt. Col. Reginald Ephraim Linga, hepe ng AFP-REO Housing Management Division.

Martin Sadongdong