How true na dismayado umano si Ethel Booba kay Wilbert Tolentino dahil hindi na siya basta-basta makaka-collaboration ni Daisy Lopez o mas kilala bilang "Madam Inutz?"
Lumutang ang isyu hinggil dito dahil umano sa TikTok video ni Ethel kasama ang komedyanteng si Boobsie, na patama umano kay Wilbert Tolentino, ang bagong manager ni Madam Inutz.
Sinasabing lumabas ang TikTok video matapos na hindi umano payagan ni Wilbert na magkasamang muli nina Ethel si Madam Inutz sa vlog ni Ethel---na una nang nangyari, bago pa man pumirma si Madam Inutz kay Wilbert. Nakasama pa sa naturang vlog ang komedyanteng si Donita Nose kung saan nag-inuman session sila at pinakyaw pa nila ang mga panindang damit ni Madam Inutz.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ayon sa panayam kay Wilbert sa vlog ni Mama Loi, nagkausap umano sila nina Ethel at Boobsie isang araw bago lumabas ang video at napansin niyang iba nga ang awra ng dalawa. Gayunman, kaibigan pa rin umano ang turing niya sa dalawa, kahit na nasaktan siya sa ginawang 'patutsada' ng mga ito.
"The day na lumabas 'yung TikTok, same day din doon sa nangyari, same incident, same din kasi 'yung approach, same na same" ani Wilbert.
"Sabi ko nga, naku! bakit ba ako pinatamaan. Pero bago lumabas 'yung Tiktok, nagka-chat na kami ni Boobsie, nagka-chat din kami ni Ethel na nakita ko talaga na iba 'yung awra nila sa akin,' ayon pa sa kaniya.
Ipinaliwanag ni Wilbert ang naging kasunduan nila ni Madam Inutz kaya rin hindi siya pumayag muna sa ngayon na makasama siya nina Ethel.
"Bilang manager, importante ang commitment, o eto ang napag-usapan natin ha para ma-preserve mo ang sarili mo kasi 'yung mga tao mahal ka. So kung mahal ka ng mga tao sa pag-eentertain mo, mga na-chenes mo sa online selling i-capture mo na 'yung market mo. Ito na 'yung pagkakataon mong makilala ka," paliwanag pa ni Wilbert.
Samantala, hindi pa naglalabas ng pahayag ang kampo ni Ethel kung pinatatamaan nga ba nila si Wilbert o hindi.
