Posible nang iitsa-puwera sa quarantine protocol ang mga fully vaccinated na laban sa coronavirus disease 2019 (COVID-19).

Ito ay matapos irekomenda ng Inter-Agency Task Force (IATF) na huwag nang isailalim sa ganitong protocol ang mga tapos nang bakunahan.

Aniya, may binuo na sub-committee ang IATF na lilikha ng rekomendasyon na may kinalaman sa ipatutupad na protocol para sa mga nakakumpleto na ng bakuna.

Inilabas ni Presidential spokesperson Harry Roque ang pahayag sa gitna ng konsiderasyong magkaroon na ng pagkaka-iba sa protocol para sa mga fully vaccinated, hindi pa naka-kumpleto at wala pang bakuna.

National

Año, pinabulaanang sangkot sa umano’y ‘grand conspiracy’ sa pag-aresto kay FPRRD

“We have, in fact, created in the IATF a subcommittee to come up with the recommendations on the protocols for fully vaccinated individuals ‘no,” sabi nito.

Dagdag pa ni Roque, sa ibang mga bansa ay hindi na obligado pa ang mga kumpleto na ng bakuna na sumailalim pa sa quarantine at tanging kailangan lang ay makapag-presenta ang mga bakunado ng ebidensiya o certificate na sila’y nakakumpleto na ng dalawang doses ng bakuna.

Gayunman, ipinaalala ni Roque na makabubuting hintayin na lang ang magiging rekomendasyon ng IATF sa usapin.

Beth Camia