SP Cayetano sa posibleng kudeta ulit sa Senado: 'Buo yung 13, sa 13, walang onsehan!'-Balita

SP Cayetano sa posibleng kudeta ulit sa Senado: 'Buo yung 13, sa 13, walang onsehan!'

May simpleng sagot si Senate President Alan Peter Cayetano sa tanong ng media kung posible ulit ang pagbabago sa liderato ng Senado, nitong Lunes, Mayo 25.

Sa ambush interview ng ilang miyembro ng media kay SP Cayetano habang nasa Senado, sinabi ng Senate President na nananatiling buo ang "13" at walang onsehang nagaganap, o paglipat ng bloc.

Ang "13" na tinutukoy ni Cayetano ay ang bilang majority bloc, na naging dahilan kung bakit naluklok siya sa posisyon, at napatalsik si dating Senate President Tito Sotto III.

Bukod kay SP Cayetano, ang iba pang bumubuo sa Senate majority bloc ay sina Sen. Pia Cayetano, Sen. Robin Padilla, Sen. Bong Go, Sen. Imee Marcos, Sen. Mark Villar, Sen. Camille Villar, Sen. Jinggoy Estrada, Sen. Joel Villanueva, Sen. Loren Legarda, Sen. Rodante Marcoleta, Sen. Chiz Escudero, at Sen. Ronald "Bato" Dela Rosa.

"Buo yung 13, sa 13, walang onsehan," simpleng sagot ni Cayetano, na nangangahulugang wala pang numero para mapalitan siya bilang Senate President.

Matatandaang kinumpirma ng isa sa mga miyembro ng Senate minority bloc na si dating Senate President Pro Tempore Ping Lacson, na may plano pa rin ang kanilang bloc na mapalitan si Cayetano, at ang isinusulong nilang maging SP ay si Sen. Win Gatchalian.

Maki-Balita: 'May kakayahan, matatag, patas!' SB-11, buo suporta kay Sen. Gatchalian—Sen. Pangilinan

Pero ayon kay Sen. Risa Hontiveros, nananatiling 11 ang bilang ng mga senador na nasa minority bloc, na kinabibilangan niya, si dating Senate President Tito Sotto III, Sen. Lacson, Sen. Lito Lapid, Sen. Kiko Pangilinan, magkapatid na Sen. Raffy at Erwin Tulfo, Sen. Bam Aquino, ang isinusulong nilang maging SP na si Sen. Win Gatchalian, at ang dating independent na sina Sen. Juan Miguel Zubiri at Sen. JV Ejercito na mas piniling ma-associate sa "SB-11" o Solid Bloc 11.

Maki-Balita: 'Solid pa rin kaming 11!' Minority bloc, tutok sa mga panukalang batas, impeachment trial

Davao City, isa sa mga siyudad na inaalagaan ng PBBM admin—Usec. Castro

Mariing iginiit ni Presidential Communications Office (PCO) Undersecretary at Palace Press Officer Atty. Claire Castro na isa umano ang Davao City sa mga talagang inaalagaan ng administrasyon ni Pangulong Ferdinand “Bongbong” Marcos, Jr. Kasunod ito ng mga alegasyong binitawan ni Davao City Mayor Sebastian “Baste” Duterte, kung saan sinabi nitong “zero budget” ang kaniyang lungsod sa...

Anak ni Enrile matapos bakbakan dahil 'pinalagan' si SP Cayetano: 'Di ba puwedeng may isang anak lang na nagsasalita bilang anak?'

Naglabas ng panibagong pahayag ang anak ng pumanaw na dating senate president at special adviser to the president na si Juan Ponce Enrile, na si Katrina Ponce Enrile, upang linawin ang naging komento niya kaugnay ng mga naging pahayag ni Senate President Alan Peter Cayetano patungkol sa kaniyang ama. Tila 'inalmahan' at nilinaw kasi ni Katrina ang tunay na relasyon ni SP Cayetano sa...

Sen. Imee na-offend sa mga kapwa senador; sinabihan daw siyang sinungaling!

Napilitan si Sen. Imee Marcos na bawiin ang video presentation niyang inilatag sa sesyon ng Senado hinggil sa umano’y planong “Charter Change” o Cha-Cha ng kapuwa niya mga senador, nitong Lunes, Mayo 25, 2026. Sa plenary session nitong Lunes, ibinahagi ng senadora ang videong nagdidiin sa mga kapuwa senador na itulak ang Cha-Cha upang hindi umano matuloy ang Halalan 2028. Kaagad na umani ng...

SP Cayetano sa posibleng kudeta ulit sa Senado: 'Buo yung 13, sa 13, walang onsehan!'

SP Cayetano sa posibleng kudeta ulit sa Senado: 'Buo yung 13, sa 13, walang onsehan!'

Inirerekomendang balita

Davao City, isa sa mga siyudad na inaalagaan ng PBBM admin—Usec. Castro

Anak ni Enrile matapos bakbakan dahil 'pinalagan' si SP Cayetano: 'Di ba puwedeng may isang anak lang na nagsasalita bilang anak?'

Sen. Imee na-offend sa mga kapwa senador; sinabihan daw siyang sinungaling!

Features

Opinyon