Agence France-Presse
Sinimulan na ng royal family ng Britain ang pagbuwelta sa mga akusasyon ng racism na ginawa ni Prince Harryat ng kanyang asawang si Meghan Markle, na nagpapahiwatig na hindi ito mananahimik sa mga komento ng mag-asawa habang ang bansa ay nahahati sa mga kampong partisan.
Netizens nanggigil sa bortang katawan ni Sam Concepcion; tinawag na ‘daddy’
Isang masidhing hinihintay na pahayag mula sa Queen Elizabeth IIna inisyu noong Martes ay nakipagkasundo sa kanyang apo at sa kanyang asawa mixed-race, pagkatapos ng kanilang pasabog na panayam sa US chat show host na si Oprah Winfrey.
Ngunit binigyang diin din nito na “some recollections may vary”, tulad ng sinabi ng Buckingham Palace na titingnan ang pagpapahiwatig ng mag-asawa na kinuwestyon ng isang hindi tinukoy na royal kung gaano kaitim ang balat ng kanilang noo’y hindi pa isinisilang na anak na si Archie.
Ang bangayan ay pinapanood sa buong mundo, sa United States kung saan nakatira ang mag-asawa ngayon at sa buong multi-racial Commonwealth, na pinamumunuan ng reyna, na hinila ang pinakatanyag na pamilya ng Britain sa isang debate tungkol sa racism at kolonyal na nakaraan ng bansa.
Sinabi ni Winfrey na ang racist na pahayag ay hindi nagmula sa alinman sa reyna o sa kanyang 99-taong-gulang na asawang si Prince Philip, na nasa ospital dahil sa sakit sa puso.
Sinabi ng pahayag ng reyna na ang akusasyon ng racism ay “concerning” at would be “taken very seriously”, ngunit idinagdag na ito ay i-“addressed by the family privately”.
Ngunit sinabi ng pahayagang The Sun na ang reyna ay mag-iimbestiga pa sa pamamagitan ng “private conversations” kasama ang senior royals kasama ang tatay ni Harry na si Prince Charles, ang kanyang pinakamatandang anak at tagapagmana, at ang nakatatandang kapatid ni Harry na si William.
