Ni JHON ALDRIN CASINAS
Itinaas ng Philippine Institute of Volcanology and Seismology (Phivolcs) nitong Huwebes, Marso 4, ang antas ng alerto sa Mount Pinatubo sa Gitnang Luzon dahil sa patuloy na mga seismic activity.
Sinabi ng Phivolcs na ang Pinatubo Volcano Network (PVN) ay nakakita ng kabuuang 1,722 na hindi mahahalata na mga lindol sa ilalim ng edipisyo ng Pinatubo mula Enero. Dahil sa patuloy na seismic activity, sinabi ng Phivolcs na itinaas nito ang katayuan ng Bulkang Pinatubo mula sa Alert Level 0 sa Alert Level 1.
“This means that there is low-level unrest that may be related to tectonic processes beneath the volcano and that no imminent eruption is foreseen,” sinabi ng ahensiya.
Jackpot prize ng Ultra Lotto, papalo ng <b>₱273M!</b>
Naitala ng mga seismologist ng estado ang unang kumpol ng mga lindol mula Enero 20 hanggang 26 sa Sacobia Lineament sa lalim na 15 hanggang 28 na kilometro at umaabot sa pagitan ng 1.0 at 2.5 magnitude.
Ang nasabing pagyanig ay nasa pagitan ng magnitude 0.5 at 2.8, at nauugnay sa “rock-fracturing processes.”
Kaugnay nito, sinabi ng Phivolcs na ang mga papasok sa lugar ng bunganga ng Pinatubo ay dapat na magmasid nang may matinding pag-iingat at dapat iwasan kung maaari.
Pinapaalalahanan din ang mga komunidad at mga yunit ng pamahalaang lokal na nakapalibot sa Pinatubo na maging handa para sa mga panganib sa lindol at bulkan. Hinimok din sila ng Phivolcs na suriin, ihanda at palakasin ang kanilang contingency, emergency at iba pang mga plano sa paghahanda sa sakuna.
Huling sumabog ang Mount Pinatubo noong Hunyo 15, 1991.
Ang pagsabog, na itinuturing bilang “pangalawang pinakamalaking pagsabog ng bulkan noong ika-20 siglo,” ay pinatay ang mahigit sa 840 katao.
