Ni DANTE A. LAGANA
INIHAYAG na ng Film Development Council of the Philippines (FDCP) ang pangalan ng 60 honorees at mga special awardees sa taong ito para sa 5th Film Ambassadors’ Night (FAN).
Ang nangungunang FAN 2021 honorees ay sina A-Listers, filmmakers Rafael Manuel and Lav Diaz. A-Listers meaning mga filmmakers na nanalo sa mga A-List international film festivals. Ang Filipiñana na likha ni Direk Rafael ay ginawaran ng Berlinale Shorts Silver Bear Jury Prize sa 70th Berlin International Film Festival na ginanap sa Germany. Samantalang si Direk Lav ay nanalo ng Orizzonti Award para sa Best Director sa pelikula niyang Lahi, Hayop (Genus Pan) sa 77th Venice International Film Festival na ginanap sa Italy.
Sa Feature Films category nandiyan ang six honorees na sina Kim Tai-Sik (Sunshine Family); Crisanto Aquino (Write About Love);Ralston Jover (Latay o Battered Husband); Che Espiritu (Pan de Salawal); Isabel Sandoval (Lingua Franca) at Arden Rod Condez (John Denver Trending).
'Easy target si Bong Revilla kasi walang posisyon ngayon!'—Suzette Doctolero
Malamang matutuwa ang mga fans dahil kabilang ang kanilang mga iniidolo sa bibigyan ng parangal para sa Actors category. Kasama dito sina Cristine Reyes for UnTrue, Ruby Ruiz for Iska, Elijah Canlas for Kalel, 15, Louise Abuel for Edward, Isabel Sandoval for Lingua Franca, Lovi Poe at Allen Dizon for Latay, ang cast ng Kaputol sa pangunguna ni Cherie Gil, Alfred Vargas,Angel Aquino, at Ronwaldo Martin. Maging ang Asia’s Multimedia star na si Alden Richards ay makakatanggap ng award para sa pagiging the Asian Star Prize recipient ng Seoul International Drama Awards. Sila Dingdong Dantes at Arjo Atayde naman ay mga television awardees na kasama rin sa FAN 2021 Actors list na parehong nagbigay ng papuri sa ibang bansa.
Sa karangalang natanggap ng mga Pinoy sa ibang bansa ay isang malaking pagpupugay at pagsaludo. Kaya naman sabi ni FDCP Chairperson and CEO Liza Diño: “Philippine Cinema continues to thrive amid the pandemic because Filipino filmmakers and artists did not allow the global health crisis to derail them from sharing our stories to the world. Through the Film Ambassadors’ Night, we celebrate their efforts and laud their achievements.”
Ang FAN this time ay magiging virtual dahil na rin sa pandemya. Bagamat stream ito online hindi naman mabibigo ang mga manonood dahil hitik sa mga guest performers gaya ng Philippine Philharmonic Orchestra (PPO) na sasamahan nina Bamboo, Tres Marias (Bayang Barrios, Cooky Chua, and Lolita Carbon), Bituin Escalante, Beverly Salviejo, Karla Gutierrez, Lawrence Jatayna, and The Pogi Boys. May special number din sina Ice Seguerra, Juris Fernandez, Princess Velasco, Sitti, Richard Poon, Kean Cipriano, and Duncan Ramos.
Magaganap ang first FAN virtual sa February 28 sa ganap na 8 p.m.
