CAMP VICENTE LIM, Laguna – Apat katao ang nasawi, kabilang ang isang opisyal ng pulisya, at dalawa pa ang nasugatan matapos araruhin ng isang trailer truck ang tatlong sasakyan sa Nasugbu, Batangas, kahapon ng umaga.
Sa ulat ng pulisya, nakilala ang pulis na si Lt. Col. Charlie Abot.
Namatay din ang drayber at ang pahinante ng killer truck na sina Edgar Adesas at John Rey Basilan.
Padilla, Zubiri, pinaiimbestigahan status ng implementasyon ng amnesty proclamations ni PBBM
Kabilang din sa binawian ng buhay ang bystander na si Rachelle Hernando Dime matapos na mahagip ng truck.
Sa ulat ng PRO4A, tinatahak ng Isuzu trailer truck na minamaneho ni Adesas ang kahabaan ng Tagaytay-Nasugbu highway, gayunman, pagsapit sa pababang kurbadang bahagi ng Sitio Bayabasan, Bgy. Aga ay mawalan ito ng preno, dakong 7:00 ng umaga.
Bumulusok ang truck at sinalpok ang kotse ni Abot. Dalawa pa ang naiulat na nasugatan sa aksidente.
-Danny Estacio
