Sinimulan na ni Speaker Lord Allan Velasco ang pagbalasa at rigodon sa mga posisyon at komite sa Kamara matapos magpahayag ng todong suporta ang tatlong power bloc na dati ay supporters ni ex-Speaker Alan Peter Cayetano.

Ang tatlong political power bloc ay ang Nacionalista Party, National Unity Party, at Liberal Party.

Kaugnay nito, muling ibinalik sa puwesto ang mga kaalyado ni Velasco na sinipa ni Cayetano. Sila ay sina 1Pacman Party-list Mikee Romero (deputy Speaker), Quezon Rep. Angelina Tan (Health committee), Valenzuela City Rep. Eric Martinez (Youth and sports development committee), Aambis-OWWS Party-list Rep. Sharon Garin (Economic affairs committee).

Hinirang naman niya si Oriental Mindoro Doy Leachon bilang senior deputy speaker at Davao City Rep. Paolo Duterte bilang bagong chairman ng House committee on accounts.

National

DepEd, pinabulaanang tatanggalin K-12 sa S.Y 2025-2026

Sinabi ni Dasmariñas City Rep. Elpidio Barzaga, pangulo ng 47-member ng National Unity Party (NUP), na nakipag-usap na sila kay Velasco tungkol sa kanilang pagsuporta.

Ayon kay Barzaga, chairman ng House committee on environment and natural resources, ipinaabot ni Velasco ang imbitasyon sa NUP na sumanib sa bagong “supermajority.”