PUNO ng pasasalamat si Jake Zyrus dahil nominated ang dokumentaryong patungkol sa kanyang buhay, sa International Emmy Awards ngayong taon.

Ibinahagi ng 28-year-old singer, na unang sumikat bilang Charice Pempengco, na hindi pa rin siya makapaniwalang bahagi ng listahan ang documentary patungkol sa kanya.

“Thank you @iemmys – It’s an honor,” dagdag pa ng singer.

Kris kay Bimby: 'Ang pagmamahal ng anak ay walang katumbas'

Sa ilalim ng Emmy’s Arts Programming category, makakalaban ng Jake And Charice sa titulo ang Refavela 40, ng Brazil, Vertige De La Chute (Ressaca) ng France, at United Kingdom’s Why Do We Dance?

Inanunsiyo ang nominasyon para 2020 International Emmy Awards nitong Setyembre 26 sa pamamagitan ng International Academy of Television Arts & Sciences.

May 44 nominado sa 11 kategorya at 20 bansa.

Nakatakdang ianunsiyo ang winners sa ceremony sa New York City, sa Nobyembre 23.

Una rito nakuha ng dokumentaryo na produced ng NHK (Japan Broadcasting Corporation) at co-produced ng ABS-CBN, ang Gold Camera Award sa US International Film and Video Festival noong Hunyo, kung saan tinalo nito ang ibang apat na entries sa ilalim ng social issues category.

“The singer Charice (Pempengco) was the first Asian artist to have a Billboard top-ten hit. Mentored by producer David Foster, she wowed the world with her incomparable talent. Seven years later, she came out as a transgender man, changed her name to Jake Zyrus, and made a fresh start without the renown or voice that he had established as Charice. Why did Charice choose to live as Jake? How did his family and other people dear to him react? NHK documented Jake’s life and new challenges, his joys and sorrows, and the journey he took to finding his own voice. We hope the documentary will be watched by a wide range of viewers including those who are not interested in gender issues,” mababasa sa synopsis ng doku na naka-published sa website ng US-based festival.