Maaaring kakailanganing ulitin ng National Bureau of Investigation (NBI) ang imbestigasyon nito sa binansagang “pastillas” scheme matapos mahuli ang pinuno ng legal section nito na tumatanggap ng suhol upang hindi isama ang ilang indibidwal sa mga kakasuhan, sinabi ng Department of Justice (DOJ) nitong Martes, Setyembre 22.

“If there is evidence that the previous investigation may have been compromised, a reinvestigation may be conducted,” sinabi ni DOJ Undersecretary Markk Perete .

Ipinunto ito ni Perete matapos malaman mula sa pagdinig sa Senado noong Martes na si NBI legal assistance bureau chief Joshua Paul Capiral ay naaresto ng NBI noong Lunes, Setyembre 21, sa isang entrapment operation. Samantala, sinabi ni Perete na ang DOJ ay “now monitoring the proceedings in the Senate to assess if further investigation is necessary.” “The Secretary has previously directed the NBI to investigate this matter,” paalala ng undersecretary.

“The investigation led to the filing of complaints against certain BI officers and employees before the Ombudsman,” dagdag niya.

Politics

Pulong, balak itapat ni VP Sara kay Romualdez sa House Speakership?

Nagsampa ang NBI sa Office of Ombudsman (OMB) noong Setyembre 1 ng isang reklamong kriminal laban sa 19 mga opisyal at tauhan ng Bureau of Immigration (BI) para sa kanilang sinasabing pagkakasangkot sa “pastillas” money-scheme.

Kabilang sa mga pinangalanang respondents sa reklamo sinaGrifton San Pedro Medina, Deon Carlo Albao, Fidel Mendoza, Abdulhafez dela Tonga Hadjibasher, Gabriel Ernest Mitra Estacio, Ralph Ryan Macahilo Garcia, Phol Bendana Villanueva, Abdul Fahad Guro Calca, Danilo Caro Deudor, Mark Dollete Macababad, Aurelio Somera Lucero III, George Bituin, Salahudin Pacalda Hadjinoor, Chevy Chase Reyes Naniong, Jeffrey Dale Salamde Ignacio, Hamza Usudan Pacasum, Manuel Brillante Sarmiento III, Cherry Pie Payabyab Ricolcol, at Er German Tegio Robin