NANGUNA sina Ericka Pascual ng University of Perpetual Help System Dalta at Nicole Pardo ng Daet Elementary School sa listahan ng mga gold medalists sa Phi¬lippine Swimming League (PSL) Short Course Swim Series NCR Leg 2 nitong weekend sa Diliman Preparatory School swimming pool sa Quezon City.

Bumida si Pas¬cual sa girls’ 15-over 100m breaststroke event matapos magrehistro ng impresibong isang minuto at 21.43 segundo habang namayagpag naman si Pardo sa girls’ 11-year 100m backstroke sa tyempong 1:19.47.

Nagwagi rin sina Margaret Apolonio sa girls’ 12-year 100m breaststroke (1:25.06), Lance Adalin sa boys’ 11-year butterfly (1:38.81) at Francis Ebcas sa boys’ 12-year 100m butterfly (1:13.44).

Hindi rin nagpahuli sina Palarong Pambansa vete¬rans Marc Bryan Dula, Triza Tabamo at Arbeen Miguel Thruelen gayundin sina Elle Samantha Alavy-Chafi, Ehm Alavy-Chafi, Trump Christian Luistro, Red Marcus Dula at Gabby Sadol.

‘Balik sa tugatog!’ Carlos Yulo, muling nag-uwi ng gintong medalya

‘Balik sa tugatog!’ Carlos Yulo, muling nag-uwi ng gintong medalya

Umarya naman sina Marc Bryan sa boys’ 13-year 100m butterfly (1:03.40), Tabamo sa girls’ 12-year 100m backstroke (1:14.44), Thruelen sa boys’ 15-over 100m butterfly (1:00.46), Elle Samantha sa girls’ 14-year 100m backstroke (1:23.00), Ehm sa girls’ 12-year 200m IM (2:55.00), Luistro sa boys’ 11-year 100m butterfly (1:12.84), Red Marcus sa boys’ 7-year 50m freestyle (40.90) at Sadol (boys’ 13-year 200m IM, 2:33.00).