Pinalakas ng Adamson ang tsansang humabol sa Final Four matapos talunin ang University of the Philippines Integrated School , 81-70, kahapon sa UAAP Season 82 Boys Basketball Tournament sa Blue Eagle Gym.

Umiskor ng 18 puntos si John Erolon kasunod si Russel Dominguez na may 17 puntos upang pamunuan ang nasabing panalo ng Baby Falcons.

Dahil sa panalo, umangat sila sa patas na markang 6-6 panalo-talo at solong ika-4 na posisyon kasunod ng Ateneo at University of Santo Tomas na may parehas na kartadang 6-5 at nakatakdang sumabak pa sa huling dalawang laro kahapon, habang isinasara ang pahinang ito.

Nanguna naman para sa Junior Maroons na nanatiling winless matapos ang 12 laro si Ray Torres na tumapos na may game high 28 puntos.

Angelica Yulo, proud na ibinida hakot awards na 'Golden Boy' anak na si Eldrew

Nauna rito, tumatag sa second spot ang twice-to-beat na Far Eastern University-Diliman makaraang gapiin ang De La Salle Zobel, 65-46.

Ang panalo ang ika-11 sunod para sa Baby Tamaraws matapos mabigo sa kanilang opening game kontra defending champion at namumunong National University (11-0) na sigurado na rin sa isa pang twice-to-beat incentive sa Final Four.

Nanguna sa nasabing panalo si Jorick Bautista na nagtala ng 23 puntos.

Dahil sa kabiguan, bumaba naman ang Junior Archers sa markang 3-9.

Marivic Awitan

Ang Iskor:

First Game

FEU (65) -- Bautista 23, Anonuevo 10, Estacio 10, Saldua 8, Sleat 6, Bagunu 3, Libago 2, Mantua 1, Padrones 1, Pasaol 1.

DLSZ (46) -- Cudiamat 13, Baclaan 11, Macasaet 6, Tupas 6, Unisa 4, Luna 3, Melecio 3, Del Mundo 0, Lawrence 0, Milan 0, Omer 0, Quimado 0, Reyes 0.

Quarterscores: 20-8, 29-22, 43-36, 65-46

Second Game

AdU (81) -- Erolon 18, Dominguez 17, Hanapi 13, Figueroa 11, Guarino 8, Barcelona 4, Cosal 4, Nitura 3, Gonzaga 2, Quinal 1, Abdulla 0, Dubouzete 0, Ignacio 0, Ocangcas 0, Timbancaya 0, Tulabut 0.

UPIS (70) -- Torres 28, Torculas 17, Canillas 7, Dimaculangan 6, Gomez de Liaño 6, Armamento 3, Lopez 3, Avinado 0, Cordero 0.