NAKATUON ang pansin Alexandra Eala sa prestihiyosong 2020 Australian Open na magsisimula sa susunod na buwan sa Melbourne, Australia.
Kasalukuyang nasa ika-11 si Eala sa world ranking ng International Tennis Federation (ITF) girls division.
Subalit hindi agad nakapagsumite ang kanyang team ng entry form para sa naturang Grand Slam event kung saan awtomatiko sana itong bibigyan ng tiket sa main draw dahil sa kanyang ranking.
Dahil dito, kailangan ni Eala na dumaan sa qualifying tournament para makasungkit ng puwesto sa knockout stage.
Another gold! Hidilyn Diaz, isa nang guro sa UP Diliman
May isa pang paraan na puwedeng gawin ng kanyang team – ang humiling ng wild card sa mga organizers.
Ngunit, kung hindi ito mapagbibigyan, walang magagawa si Eala kundi ang dumaan sa qualifying event.
Matikas ang kampanya ni Eala sa taong 2019.
Nagwagi ang 14-anyos netter sa Cape Town South Africa habang may tatlo itong runner-up trophies sa Osaka, Japan; New Delhi, India at Kolkata, India sa singles.
Sa doubles, may isang titulo ito sa Plantation sa Amerika at dalawang runner-up medals sa Offenbach sa Germany at Stellenbosch sa South Africa
