'Very, very special day' ipinangako ni Luis kay Jessy-Balita

TINUTUKAN ng madlang pipol ang guestings ni Batangas Rep. Vilma Santos-Recto sa ABS-CBN morning program na Magandang Buhay nitong Huwebes, July 11, dahil binati niya ang anak na si Luis Manzano at ang girlfriend nitong si Jessy Mendiola sa third anniversary ng couple.

Sa video greeting na ipinakita sa Magandang Buhay nang araw na iyon, sinabi ni Vilma, “I’m out of the country, pero hindi puwedeng hindi ko kayo babatiing dalawa. Ang importante lang ay maligaya kayo.”

Sey pa ng Star for All Seasons, “Lucky, you are very, very happy and I would like to thank Jessy for making you really happy with your life. So God bless you and if there’s anything nandito lang si momski.

“I love you both and we love you both. God bless your relationship,” masayang mensahe pa ni Ate Vi.

Sa kani-kanilang mensahe para sa isa’t isa, hindi napigilan ni Jessy ang maiyak habang sinasabi ang nararamdaman niya para kay Luis.

“Ang maipapangako ko sa iyo ay lagi akong nandito para sa iyo, at palagi kitang aalagaan. At hindi na ako magpapaapekto sa kung anuman ang sasabihin nila.

“Hindi lang pangako. Gusto ko rin magpasalamat. Kasi ikaw ‘yung naging sandalan ko kapag nahihirapan na ako. Minsan kapag mahirap, palagi mo akong pinapatawa.

“Gusto ko lang magpasalamat kasi dumating ka sa buhay ko at importante ka sa buhay ko,” ani Jessy.

Bilang ganti, isang pangako ang iniwan ni Luis para sa kaniyang girlfriend, na inilarawan niya bilang “strongest person” na nakilala niya.

“She is the strongest person I know. And I promise na kapag dumating ‘yung araw na ‘yung strength na ‘yun ay medyo bumababa nang kaunti, I promise to be your strength.

“I promise to be there for you. I promise na I will try to make that beautiful lips or mouth smile every day. I promise to love you from this day forth ‘til that very, very special day that we get to say two words and so much more after that,” seryosong mensahe ni Luis.

Bagamat nababanggit ang planong pagpapakasal ng dalawa, still mailap pa rin sina Luis at Jessy sa pagbibigay ng anumang detalye kaugnay ng kanilang wedding plans.

-ADOR V. SALUTA

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...