Nakatakdang dalhin sa Metro Manila si Janiuay, Iloilo Mayor-elect Frankie Locsin matapos itong maaresto sa kasong graft sa Iloilo City, kamakailan.
Sa pahayag ni Raul Quinto, Assistant Regional Director ng National Bureau of Investigation (NBI)-Region 6, hinihintay na lamang nila ang approval court appointed physician ni Locsin na susuri sa huli kung “fit” itong bumiyahe pa-Maynila.
Dadalhin si Locsin sa Maynila upang dumalo sa pagdinig sa kinakaharap na kasong paglabag sa Anti-Graft and Corrupt Practices Act (Republic Act 3019).
VP Sara, nag-eendorso raw para sa impeachment trial—solons
Ayon sa opisyal, dalawang linggo nang nakapiit sa kanila ang alkalde matapos itong isailalim sa hospital arrest.
Nag-ugat ang kaso ni Locsin sa pagbili ng local government unit (LGU) ng Janiuay, Iloilo ng P15 milyong halaga ng gamot, gamit ang Priority Development Assistance Fund (PDAF) ni Senator Vicente Sotto III, noong 2001.
Ang medical supply contract ay ibinigay sa kumpanyang AM Europharma sa kanila ng pagkakasuspinde ng Department of Health (DoH) sa accreditation nito, ayon sa korte.
Maliban kay Locsin, hinatulan din ng 6 hanggang 10 taong pagkabilanggo at perpetual disqualification to hold public office sina Municipal Accountant Carlos Moreno Jr., Budget Officer Ramon Tirador, treasurer Luzviminda Figueroa, Ricardo Minurtio at Rodrigo Villanueva.
-Beth Camia
