NAG-POST si Dra. Victoria Belo tungkol kay Floyd Mayweather, na nasa bansa kamakailan lang at isa sa mga pakay ay sumailalim sa beauty treatment sa Belo Medical Group.
Ipinost ni Dra. Vicki ang litratong nakahiga ang boksingero habang tini-treat niya, at ang caption, “Look who’s our first- ever patient for the newest Belo Thermage FLX. The Pound for Pound King, @floydmayweather”.
Sa isa pang picture, kausap naman ni Dra. Vicki si Floyd na may caption na, “He may be really tough in the ring but he’s really a sweetheart. Thank you, @floydmayweather for the trust.”
11 na buwan sa kulungan: Ricardo Cepeda, pansamantalang nakalaya
Inakala pala noong una ng mga taga-Belo Medical Clinic sa Greenbelt na April Fools joke lang nang sabihin sa kanilang i-book si Floyd Mayweather para sa Thermage FLX. Pero dumating sa Belo si Floyd at hinanap si Dr. Vicki Belo.
Dumaan si Floyd sa new Thermage FLX, the latest version of the popular skin tightening machine. Pagkatapos ng consultation, dumiretso sina Dr. Vicki at Floyd sa New World Hotel sa Makati para sa isang press conference para ianunsiyo ang bago nilang partnership.
Naikuwento pa ng doktora na ang una nilang pagkikita ni Floyd ay sa isang mall. Pero walang pinapayagang lumapit dito para magpa-picture, kaya binuksan ni Floyd ang car window niya at pinalapit si Dr. Belo para makapagpa-picture sa kanya. Hindi pa kilala ni Floyd kung sino si Dr. Belo. Ngayon, endorser na si Floyd ng Belo.
Ayon naman sa boksingero, narinig niya ang Belo from his Filipino friends at pinayuhan siya na sa Belo lang pumunta kung nasa Manila siya, dahil anang mga ito, ang Belo ang the best.
Natanong si Dr. Vicki sa naging reaction ni Sen. Manny Pacquiao sa pagpunta ni Floyd sa Belo. Kuwento ni Dr. Vicki, nang malaman niyang pupunta sa clinic niya si Floyd, the first person she called was Jinkee Pacquiao. Alam ng marami na magkaibigan sina Dr. Vicki at ang mga Pacquiao. Nag-congratulate pa raw si Jinkee for having two champion athletes in their ring.
-NITZ MIRALLES
