Bus terminals sa EDSA, ikakandado sa Hunyo

By Balita Online

March 26, 2019

In BALITA

Bilang na ang araw ng mga terminal ng pampasaherong bus sa EDSA dahil sa napipintong pagkansela sa mga business permits nito.

Sa pulong ngayong Martes sa tanggapan ng Metropolitan Manila Development Authority (MMDA), inaprubahan ng Metro Manila Council (MMC) ang resolusyon na nagbabawal isyuhan ng business permits ang lahat ng public utility bus terminals at operators at iba pang pampublikong sasakyan sa kahabaan ng EDSA.

Ayon kay MMDA Chairman Danilo Lim, ang inaprubahang regulasyon ay alinsunod sa utos ni Pangulong Rodrigo Duterte na ipasara ang lahat ng bus terminals sa EDSA.

"Ang target natin ay tanggalin ang lahat ng bus terminals sa EDSA at i-relocate sila sa labas ng Metro Manila para mabawasan ang bigat ng daloy ng trapiko," pahayag ni Lim.

Base sa resolusyon, malaki ang epekto sa trapiko ng paglalabas-masok ng mga pampasaherong bus at iba pang pampublikong sasakyan sa kani-kanilang terminal sa EDSA.

"Magsasagawa tayo ng dry run pagkatapos ng Semana Santa sa Abril para makapaghanda ang mga operators at mga pasahero," ayon kay MMDA General Manager Jojo Garcia.

-Bella Gamotea

Pope Francis, pumanaw na sa edad na 88

Pumanaw na si Pope Francis nitong Lunes ng umaga, Abril 21, ayon sa Vatican.Base sa ulat ng Associated Press, inanunsyo ni Cardinal Kevin Ferrell, Vatican camerlengo, na pumanaw si Pope Francis sa edad na 88 dakong 7:35 ng umaga sa oras ng Vatican (1:15 ng hapon sa oras ng Pilipinas).“At 7:35 this morning, the Bishop of Rome, Francis, returned to the home of the Father. His entire life was...

Pagbaba ng trust at approval ratings ni PBBM, ‘dahil sa impluwensya ng fake news’— Malacañang

Inalmahan ng Malacañang ang survey na inilabas ng Pulse Asia kamakailan, kung saan mapapansin ang pagbaba ng trust at approval ratings ni Pangulong Ferdinand “Bongbong” Marcos, Jr. Sa press briefing nitong Lunes, Abril 21, 2025, binalingan ni Presidential Communications Office (PCO) Undersecretary Claire Castro ang impluwensya umano ng fake news sa resulta ng nasabing survey.“Nalaman po...

Davao Oriental, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Davao Oriental nitong Lunes ng hapon, Abril 21, ayon sa Philippine Institute of Volcanology and Seismology (Phivolcs).Base sa tala ng Phivolcs, nangyari ang lindol na tectonic ang pinagmulan dakong 1:56 ng hapon. Namataan ang epicenter nito 19 kilometro ang layo sa hilagang-silangan ng Governor Generoso, Davao Oriental, na may lalim na 37...