NAPAHANGA ng Pinoy singer na si Jej Vinson ang The Voice US judge na si Blake Shelton sa blind auditions ng talent show, at lantaran nitong sinabi na maaaring si Jej na ang tanghaling kampeon sa 16th season ng American talent competition.

Umikot ang lahat ng upuan ng apat na hurado – Blake, John Legend, Kelly Clarkson, at Adam Levine — para kay Jej, na ang ibig sabihin ay gusto nilang maging bahagi ng kanilang team ang Pinoy singer sa kabuuan ng kompetisyon.

“Everybody here is probably a little bit nervous talking to you right now, we all feel like we’re looking at the winner of ‘The Voice’ this season,” sabi ni Blake.

Tsika at Intriga

Chloe, matapang na niresbakan nagsabing niretoke ilong niya

“You’re a better singer than all of us,” komento naman ni Adam.

Pinuri naman ni John si Jej para sa “precise, beautiful runs” nito.

“It was like you knew the note you wanted, and you just picked it out of the air and hit every single one with precision, and beauty and excitement,” sabi ni John kay Jej.

Literal naman na napatayo sa kanyang upuan si Kelly nang matapos kantahin ni Jej ang Passionfruit ni Drake.

“Insane, oh my god,” sabi ni Kelly.

“I can win this show with you. You’re incredible man,” sabi pa niya.

Sa huli, pinili ni Jej si Kelly na maging coach niya.