MUKHANG hindi nakaganda na naglabas ng sama ng loob niya si Janno Gibbs sa social media kaugnay ng hindi niya pagkakasama sa ABS-CBN Christmas Station ID, dahil hindi rin siya kasama sa ABS-CBN Christmas Special, na ginanap sa Smart Araneta Coliseum kagabi.
Advance naming tinipa ang balitang ito at nalaman naming wala sa listahan ng performers si Janno.
Inusisa namin ang isang TV executive tungkol dito.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Paano mo isasama ang taong maraming hanash sa buhay? Sana personal siyang nakipag-usap sa management o sa in-charge ng Christmas ID shoot, hindi ‘yung inilabas niya sa social media.
“At saka wala naman siyang show pa sa ABS-CBN, lahat ng kasama sa station ID, may existing shows, may programa, teleserye, ganern. Eh, si Janno waley!
“Tungkol naman sa Christmas Special (kagabi), wala talaga rin si Janno kasi wala nga siyang show. Under siya ng Star Music at walang kinalaman ‘yun sa TV. Sana naintindihan niya ‘yun!”
Samantala, may narinig naman kaming sa 2019 pa raw ipu-full blast ng Star Music si Janno, dahil inihahanda ang ire-record niyang kanta.
Hayan, klaro na sa mga nagtatanong kung bakit wala ang singer/comedian sa mga nabanggit na event.
-REGGEE BONOAN
