Tinangay ng hindi pa nakikilalang carnapper ang motorsiklo ng isang hospital supply officer sa Malabon City, kamakalawa ng hapon.
Inilarawan ang suspek na nasa edad 20-25, nakasuot ng puting T-shirt, itim na shorts, at sumbrero.
Ayon kay Christian Cruz, 21, supply officer ng Ospital ng Malabon, ng No. 4E Jacinto Extension, Barangay Ibaba, Malabon City, pumasok siya sa isang salon para magpagupit sa Bgy. Concepcion ng lungsod at ipinarada ang motorsiklo (NE-80808), na nakarehistro kay Ansherina Aguirre, bandang 2:00 ng hapon.
Sa pagmamadali, naiwan ni Cruz ang susi ng motorsiklo.
National
50.78% examinees, pasado sa Nov. 2024 Licensure Exam for Agriculturists
Makalipas ang ilang sandali, lumabas na ang biktima at wala na ang motorsiklo.
Patuloy na kinikilala at tinutugis ang suspek.
-Orly L. Barcala
