KINARIR ni Marian Rivera ang paggawa ng costume ng anak na si Zia para sa Halloween party nito sa school.
Tinawag ni Marian na “intergalactic” ang costume ni Zia, na gawa sa recycled materials.
“Here’s Ate Zia’s intergalactic space-themed Halloween costume using recycled materials: Z’s costume used the following materials: umbrella, clothes wire, hose, newspaper, cardboard and tetrapacks. Presenting... My Miss Intergalactic Space,” caption ni Marian.
Jude Bacalso, nanindigang valid complaint pagtawag ng 'Sir' sa kaniya ng waiter
Umabot na sa ilang libo ang comments sa nasabing post ni Marian, at ilan sa mga ito ay mula sa mga kasamahan sa showbiz ng Kapuso Primetime Queen.
Sabi ni Chynna Ortaleza (chynsortaleza): “Sobrang cute!!! @marianrievera ang creative.”
Komento naman ni Katrina Halili (@katrina_Halili): “Super pretty, dalaga na @marianrivera hala, ang bilis nila lumaki ni Katie.”
Kahit si Mariel Padilla ay humanga sa creation ni Marian, sinabing sure winner na si Zia sa school, gaya noong ginawa naman ni Marian na ala-Marilyn Monroe si Zia, at nakakuha ito ng Best in Costume award.
Marami pang pagbati kay Marian dahil napaka-creative daw ng aktres.
Speaking of Marian, may nanghingi sa kanya ng comment tungkol sa paglipat ni Regine Velasquez-Alcasid sa kabilang network.
“Ninang namin siya ni Dingdong (Dantes) sa kasal namin, at ang mahalaga kung saan siya maligaya. Nirerespeto ko ang desisyon niya,” sagot ni Marian.
-NORA V. CALDERON
