CONGRATULATIONS sa Pambansang Bae na si Alden Richards, dahil panalong-panalo siya sa hinakot niyang nominations sa Star Awards For Music ng Philippine Movie Press Club, na gaganapin sa Sunday, September 9, sa Newport Performing Arts Theatre, Resorts World Manila.

Produced ito ng Airtime Marketing Inc. ni Ms. Tessie Celestino-Howard, at ididirehe ni Bert de Leon.

Sabay na gaganapin ang 9th (2017) at 10th (2018) Star Awards for Music, kaya tinagurian itong PMPC Star Awards for Music: A Decade of OPM Excellence.

Elijah Canlas, emosyonal na inalala yumaong kapatid sa concert ni Olivia Rodrigo

Siyam na nominasyon lang naman ang tinanggap ni Alden mula sa nasabing award-giving body, kabilang ang Song of the Year para sa Rescue Me (GMA Records); Male Recording Artist of the Year at Album of the Year para sa Say It Again; Concert of the Year at Male Concert Performer of the Year para sa Upsurge.

Nominado rin si Alden sa Music Video of the Year category para sa Your Guardian Angel, directed by Miggy Tanchanco; at Pop Album of the Year, Male Pop Artist of the Year, at Album Cover Design of the Year para sa Say It Again.

Ilan kaya ang awards na matatanggap ni Alden sa Linggo?

But knowing Alden, tiyak na masayang-masaya siya sa blessings na natanggap, at tiyak din ang pagdalo niya sa awards night, win or lose.

Meanwhile, thankful si Alden sa mga patuloy na sumusubaybay sa kanilang action-drama fantasy series na Victor Magtanggol, gabi-gabi pagkatapos ng 24 Oras sa GMA 7.